Popular Bible Verses from PALŌVEPI 2

Share

He ‘oku foaki poto ‘e Sihova; ‘Oku mei hono fofonga ‘a e ‘ilo mo e fakahinohino.

TAMA, kapau te ke tali ‘eku ngaahi lea, ‘O tuku tauhi mo koe ‘eku ngaahi tu‘utu‘uni; ‘O ke tuku ai ho telinga ke fanongo ki he poto, Mo ofe‘i ho loto kia Fakahinohino; Kae‘uma‘ā, kapau te ke ui ‘a ‘Ilome‘a, Pea ha‘aki ho le‘o kia Fakahinohino; Kapau te ke ha‘ao ia hangē ha ha‘ao siliva, Pea hakule ki ai hangē ko ho‘o fai ki ha koloa fufū: Te ke toki lave‘i ‘a e ‘apasia kia Sihova, Pea ma‘u ‘a e ‘ilo‘i ‘o e ‘Otua.

‘Oku ne tuku tauhi ma‘a e angatonu ha tokoni, Ha fakaū kiate kinautolu ‘oku fou totonu; Ke ne le‘ohi ‘a e ngaahi ‘alunga fakakonisitūtone, Mo tauhi ‘a e hala ‘o ‘ene kau lotu.

He ko e kau angatonu te nau nofo‘ia ‘a e fonua, Pea ko e haohaoa te ne ‘i ai ai pē. Ka ko e kakai kovi ‘e tu‘usi mei he fonua, ‘Io, ko kinautolu ‘oku fai kākā ‘e ta‘aki mei ai.

Ke fakahaofi koe mei he fefine faka‘ulia, Mei he fefine muli ‘oku lea fakaoleole; ‘A ia ‘oku ne li‘aki hono ‘ofa‘anga mu‘a, Pea ngalo ai ‘a e kovinānite ‘o hono ‘Otua.