Popular Bible Verses from PALŌVEPI 4

Share

‘I he me‘a kotoa ‘oku ke tauhi, mu‘omu‘a ‘a e lama ‘o ho loto, He ‘oku founga mei ai ‘a e ngaahi me‘a ‘oku ‘asi ‘i he mo‘ui.

Fakatokalelei ‘a e hala ‘oku ‘alu ai ho va‘e, Pea fakatotonu ho ngaahi ‘alunga kotoa pē.

Ko e ngutu mamio, tuku ia; Pea fakamama‘o mei he loungutu feāfeaki.

Ko e kamata ke poto ‘a‘eni: Fakatau ma‘au ‘a e poto: ‘Io, neongo ‘oku ke totongi ‘aki ‘a e me‘a kotoa kuo ke lava, Fakatau ‘a e mafai-ke-‘ilo.

He ko e ‘alunga ‘o ha‘a faitotonu ‘oku hangē ko e maama hengihengi, ‘A e fakautuutu ‘ene maama ‘o a‘u ki he ho‘atā mālie. Ko e hala ‘o e kau angahala ko e koto po‘uli lōlō: ‘Oku ‘ikai te nau ‘ilo ‘a e me‘a ‘oku nau humu ai.

‘Oua ‘e li‘aki ‘a e taha ko ia, pea te ne tauhi koe; Ke ke ‘ofa kiate ia, pea te ne lehilehi‘i koe.

Pukenima ‘a e akonaki; ‘Oua ‘e tukuange: Tauhi ke ma‘u; He ko ho‘o mo‘ui ia.

‘Oua ‘e hū ki he hala ‘o e kau angahala, Pea ‘oua ‘e ‘alu ‘i he founga ‘o e kakai kovi.

KAU tama, fanongo ki he akonaki ‘oku ‘atu fakatamai, Pea tokanga mai ke mou ma‘u poto