Popular Bible Verses from PALŌVEPI 12

Share

Ka hū ‘a e hoha‘a ki he loto ‘o ha tangata, ‘oku ne peluki‘i ia: Ka ‘oku fakafiefia‘i ‘e ha lea lelei.

KO ia ‘oku manako ki he poto ‘oku ne manako ki he ako fakapoto: Ka ko ia ‘oku fehi‘a ki he valoki ko e fakamanu ia.

‘Oku ai ha taha ko ‘ene fa‘a lau ‘oku hangē ko e hokohoka‘i ha heletā: Ka ko e ‘elelo ‘o e poto ko e me‘a faito‘o.

Ko e ‘alunga ‘o Vale ‘oku totonu ‘i he‘ene vakai ‘a‘ana: Ka ‘oku tali fale‘i ‘a e tama poto.

Ka ‘itengia ha vale, te ne tuku ke hā leva ‘ene mamahi. Ka ko e tama ula te ne fufū hono ngaohikovia.

Ko e uaifi fita ko e kalauni ki hono husepāniti: Ka ko e uaifi fakafofongavale‘i ko e popo ‘oku totolo ‘i hoto ngaahi hui.

Ko e ngutu loi ‘oku fakalili‘a ki ai ‘a Sihova: Ka ‘ilonga ha fai mo‘oni ko hono mamana ia.

‘Oku hoko ‘a e faitotonu ko e takimu‘a ki he kakai ‘oku nau feangai: Ka ko e ‘alunga ‘o e angahala ko e me‘a fakahē.

Ko e tu‘u ‘a e ngutu lea mo‘oni ‘e ta‘engata: Ka ko e ‘elelo loi ‘e ‘oua pē ke u kemo