Popular Bible Verses from PALŌVEPI 10

Share

Ko e tāpuaki ‘a Sihova, ko ia ia ‘oku fakakoloa: Pea ‘oku ‘ikai te ne ‘atu mo ia ha mamahi.

Ka lahi ha lea ‘e ‘ikai hala ha angahala: Ka ko ia ‘oku fakama‘uma‘u hono loungutu ko e poto ia.

Ko e tāufehi‘a ‘oku fakatupu kē: Ka ko e ‘ofa ‘oku ne fakakofu ‘a e fa‘ahinga angahala kotoa pē.

‘Oku hoko ko e masiva, ‘a ia ‘oku nima fakapikopiko: Pea ko e nima tutui ‘oku fakatupu koloa.

‘Oku ne ‘i he hala ki he mo‘ui ‘a ia ‘oku ne tali hapo ‘a e akonaki ‘oku fai: Ka ko ia ‘oku li‘aki ‘a e fakapoto ‘oku ne hē.

Ko ia ‘oku laka totonu ‘oku laka malu: Ka ko ia ‘oku mamio hono ngaahi ‘alunga, ‘e ‘iloa pē.

Ko e ‘apasia kia Sihova ko e me‘a fakalahi ‘aho: Ka ‘e kosi ‘a e ta‘u ‘o e kau angahala.

‘E ‘ikai tuku ‘e Sihova ke hōngea ‘a e mo‘ui ‘a e faitotonu. Ka ko e holi ‘a e kau angahala ‘oku ne fakateka atu.

Ka mole atu ‘a e afā kuo ‘ikai ‘a e angahala: Ka ko e faitotonu ko e fale tu‘u ma‘u ai pē.