Popular Bible Verses from Kolinitō 1 12

Share

Ka ‘oku tuku ‘a e fakahā‘anga ‘o e Laumālie ki he tangata takitaha, pea ke ‘aonga.

Pea ko kimoutolu ko e sino ‘o Kalaisi, pea ko e ngaahi kupu ‘oku takitaha hono feitu‘u.

Pea ko ia, ka mamahi ha kupu ‘e taha, pea ‘oku kaungā mamahi mo ia ‘a e kupu kotoa pē; pea ka fakasanisani ha kupu ‘e taha, pea ‘oku kaungā fiefia mo ia ‘a e ngaahi kupu kotoa.

He ‘oku tuku ki ha taha ‘a e mafai ke lea‘aki ‘a e poto, ‘o fou mai ‘i he Laumālie; pea ki ha taha ‘a e mafai ke lea‘aki ‘a e ‘ilo loloto, ka ‘i he Laumālie pē ko ia; ‘oku tuku ki ha taha kehe ‘a e tui, ka ko e ‘iate ia ‘a e Laumālie pē ko ia; pea ki ha taha ‘a e ngaahi mafai faito‘o, kae taha ai pē ‘a e Laumālie ‘oku fai‘aki; pea ‘oku tuku ki ha taha ‘a e ngaahi ngāue mana; ki ha taha ‘a e malanga palofisai; ki ha taha ‘a e vavanga‘i ‘o e ngaahi laumālie; ki ha taha kehe ‘a e fai‘aki ‘a e ngaahi fa‘ahinga lea: pea ki ha taha ‘a e hiki ‘o e ngaahi lea.

Ka ko e me‘a kotoa pē ko ia, ko e ngāue ‘a e Laumālie pē taha ko ia, he‘ene tufa kehekehe ki he kakai takitaha, ‘o fakatatau ki hono finangalo.

koe‘uhi ke ‘oua na‘a ai ha mavahevahe ‘i he sino; ka ke tatau ‘a e fetokanga‘aki ‘a e ngaahi kupu.

Pea ko eni, ‘oku tufa kehekehe ‘a e ngaahi kelesi, ka ‘oku taha ai pē ‘a e Laumālie: pea ‘oku tufa kehekehe ‘a e ngaahi lakanga, ka ‘oku taha ai pē ‘a e ‘Eiki: pea ‘oku tufa kehekehe ‘a e ngaahi ngāue, ka ‘oku taha ai pē ‘a e ‘Otua ‘a ia ‘oku ne fai ‘a e ngāue kotoa pē ‘i he kakai kotoa pē.

Pea kuo fokotu‘u ‘e he ‘Otua ha ni‘ihi ‘i he siasi ke ‘aposetolo–ko e ‘uluaki ia–ko hono ua ‘a e kau malanga palofisai, ko hono tolu ko e kau faiako: hoko ai ‘a e ngaahi mafai mana, hoko ai ‘a e ngaahi mafai faito‘o, ‘a e ngaahi tokoni tu‘utāmaki, ‘a e ngaahi tu‘unga pule, ‘a e mafai ‘o e ngaahi fa‘ahinga lea.

Kae‘uma‘ā ‘ē, tala‘ehai ko e kupu ‘e taha ‘a e sino, ka ‘oku lahi.

Kaekehe, ko e ngaahi kupu ‘o e sino ‘oku matamata vaivai, ‘oku lahi hake noa pē honau ‘aonga

Ka ne mata ‘a e sino kotoa, pea fēfē ai ‘a e fanongo? Ka ne fanongo hono kotoa, pea fēfē ai ‘a e nanamu? Ka ‘i hono anga ko eni, kuo fa‘u ‘e he ‘Otua ‘a e ngaahi kupu ‘i he sino, ‘o takitaha ma‘ana; ‘o fakatatau ki he me‘a na‘e hā ki hono finangalo. Ka ‘oka ne ala taha ‘a e ngaahi kupu kotoa pē, pea sino fēfē?