Popular Bible Verses from Kolinitō 1 11

Share

Pehē foki ‘ene to‘o ‘a e ipu, hili ‘a e ‘ohomohe, ‘o ne me‘a, Ko e ipu ni, ko e fuakava fo‘ou ia ‘oku fai‘aki hoku toto: ‘ilonga ha‘amou inu ia, fai pehē mōku fakamanatu. Seuke, ‘ilonga ha‘amou kai ‘a e mā ni mo inu ‘i he ipu, ‘oku mou fakahā ‘a e pekia ‘a e ‘Eiki kae‘oua ke ne hoko mai.

He na‘a ku ma‘u ‘e au mei he ‘Eiki ‘a ia ā ne u tuku atu, ‘o pehē, Ko e ‘Eiki ko Sīsū, ‘i he pō ko ia na‘e fai ai hono lavaki‘i, na‘a ne to‘o ha mā: pea hili ‘ene fakafeta‘ia, na‘a ne pakipaki, ‘o ne me‘a, Ko ho‘oku ‘eni sino, ‘a ia ‘oku ma‘amoutolu: mou fai pehē mōku fakamanatu.

Ka ke sivi mu‘a ‘a e tangata ‘e ia, pea ke ne toki kai ‘i he mā mo inu ‘i he ipu. He ko ia ‘oku ne kai mo inu ai, ‘oku ne kai mo inu hano fakamo‘ua, ‘o kapau ‘oku ‘ikai te ne fifili ‘o ‘ilo ‘a e sino.

Ko ia, ‘ilonga ‘a ia te ne fai ta‘engali ‘ene kai ‘a e mā, pe ko ‘ene inu ‘i he ipu ‘a e ‘Eiki, kuo ne angahala ki he sino mo e ta‘ata‘a ‘o e ‘Eiki.

MOU hoko ko e kau fa‘ifa‘itaki kiate au, ‘o hangē foki ko ‘eku fa‘ifa‘itaki ‘aku kia Kalaisi.