Popular Bible Verses from Kene 20

Share

Vuza na baci de dem ka̱ta̱ a ɗanai kula ku ni a Katagarda ka Aza Wuma ba, a vakangi ni a mala ma akina.

Ɗa feu me enei a̱kpisa̱ ra̱ka̱ a kashani e kelime ka kakuba ka nan lo, azagbagbaꞋin n aza e kenkeꞋen. Ɗa a̱ ɓa̱yuwa̱i atagarda a̱ ubuta̱ u na a ɗanai ili ra̱ka̱ i na yaba dem u yaꞋin. Ɗa kpamu a̱ ɓa̱yuwa̱i katagarda ka aza wuma. A yaꞋankai a̱kpisa̱ ra̱ka̱ afada derere n ulinga u na a yaꞋin, uteku u na a ɗanai a atagarda a.

Ɗa aza a na a̱ kuwa̱i a mala a banai ɗa a shamgbai e kelime ka kakuba ka adama a na Ka̱shile ka yaꞋanka le afada. Ukpa̱ n Ubuta̱ wu Ukpisa̱ a̱ uta̱ka̱i n a̱kpisa̱ a na i punu we ele, ɗa Ka̱shile ka yaꞋankai le afada derere n ulinga u na a yaꞋin. Ɗaɗa a vakangi Ukpa̱ n Ubuta̱ wu Ukpisa̱ a mala ma akina. (Mala ma akina ma ɗaɗa ukpa̱ u ire.)

Ɗaɗa me enei kakuba ko tsugono ka̱ a̱ri ka na ki wanshi, ɗa me enei vuza na u da̱sa̱ngi a kaꞋa. Ana wu uta̱i, ɗa iɗika n gaɗi a lazai, babu vuza na u doku we enei le.

A̱ya̱ ka̱kpa̱n ke te a o kotso baci, kalingata ka ki ta̱ a̱ kuka̱sa̱kpa̱ MalyaꞋi mu uta̱ a̱ ubuta̱ u na wi ushiyi, ka̱ta̱ wu uta̱ u ya̱nsa̱ uma a na i uvishuwi a aduniyan kpa̱kuru. Iɗika i nam pa i ɗa e ci ɗeke Gogu m Mogogu. MalyaꞋi mi ta̱ o kuɓolongu le ra̱ka̱ a̱ ubuta̱ u na a kuyaꞋan kuvon. I ta̱ a kuyimkpa n a̱bunda̱i ali vuza wa kufuɗa we kece le ba.