Popular Bible Verses from Kene 19

Share

Ka̱sa̱kpa̱i ci yaꞋin ma̱za̱nga̱ n a̱bunda̱i. YaꞋan ci cikpa tsugbayin ci ni! Adama a na kanna ka yawa ta̱ ka na a kuyaꞋan yolo i Ma̱giri. Vuka vu savu vi ni vu foɓuso ta̱ ɗe ka̱ci ka̱ ni adama a kaꞋa.

Punu a kuminya ku na a palai ma̱kuta̱ ma̱ ni a ɗana ta̱: MOGONO MO NGONO N VUZAVAGUƊU VA AZAGBAGBAꞋIN.

Ɗa me enei gaɗi u ɓa̱yuwa̱i, kodoku ka̱ a̱ri ɗe kashani. Vuza na u kumbai kodoku ka e neꞋi ta̱ kula Ma̱riki m Mayun. U ci yaꞋan ta̱ afada a̱ ni mejege n kuvon kpamu nannai.

A̱shi a̱ ni a kakana a̱ ubuta̱ tsa akina, a kaci ka̱ ni u ukai oroliko o tsugono n a̱bunda̱i. A ɗana ta̱ ɗe kula a ikyamba i ni, amma a̱yi ɗa koci vuza na u yevei ili i na kula ka ki a kudana. U ukai a̱kumbula̱ a na a̱ rumbuki nu mpasa. Kula ku ni ku ɗa “Kadanshi ka̱ Ka̱shile.”

Kotokobi ka alyu ka̱ uta̱i a̱ una̱ u ni, wi ta̱ a kuyaꞋan ulinga n kaꞋa adama a na u lyaꞋa iɗika kakau n kuvon. Wi ta̱ a kulyaꞋa tsugono we le n kalangu ka̱ viyum. Wi ta̱ o kuyotsongu le wupa u gbayin u Ka̱shile Uba̱nga̱ri a̱ ubuta̱ u kupisha umaci wu nɗanga a̱ ubuta̱ u na a ci yaꞋan ma̱kya̱n.

Ɗa a̱ ka̱na̱i ka̱di ka, koɓolo n keneki ka aꞋuwa vuza vu na u yaꞋankai ni ili i mereve. (U yaꞋan ta̱ ili i mereve i nan lo adama a na u ya̱nsa̱ aza a na i n urotu u ka̱di wa, ɗa kpamu a cikpai ka̱ma̱li ka̱ ni.) Ka̱di ka n keneki ka aꞋuwa ka, dem vi le a vakangi le n wuma a mala ma akina a na a̱ tsu kula̱ n farinwuta dem.