Popular Bible Verses from Kene 21

Share

Wi ta̱ kpamu a kura le kujilya ku na ki a̱ a̱shi e le dem. Vuza wi lo kpamu o kudoku wa̱ kuwa̱ ba. Vuza wi lo o kudoku wa yaꞋan una̱mgbuka̱tsuma̱ ba, ko ma̱shi a kupana mɓa̱la̱ n yoku ba. Ili i kuku dem i laza ta̱.”

Vuza vi ida̱shi a gaɗi vu kakuba va u danai, “Inda! Mi ta̱ o kubonoko ili dem i savu!” Ɗa u danai mu, “Ɗana ili i nam pa ya, adama a na ili i nam pa ya mayun ɗa i ɗa i kuzuwaka utsura.”

Ɗa m panai vuza yoku e meɗevile ɗe gaɗi vu kakuba ko tsugono, a kudana, “Gogo na kpaꞋa ku Ka̱shile ku shana ta̱ n uma! Wi ta̱ a̱ kuda̱sa̱ngu n uma a̱ ni, ele kpamu i ta̱ o kokpo uma a̱ ni. Ka̱shile n ka̱ci ka̱ ni wi ta̱ o kuyongo n ele. Ka̱ta̱ kpamu wo okpo Ka̱shile ke le.

Ɗa u doku u danai, “N yaꞋan ta̱ ɗe ili i nam pa dem! Mpa ɗa Alfa n Omega.† Ɗaɗa feu, mpa ɗa Ugiti n Ukocishi. Mi ta̱ e kuneke yaba dem vu na wi n kakuli mini mo kusoꞋo ɗe a̱ ubuta̱ u na ka̱shi ka̱ mini ma wuma mi a̱ kuta̱. Ele a kutsupa ili ba.

Aza a na a lyaꞋi i ta̱ a kisa ili i nam pa wa̱ va̱: Mi ta̱ o kokpo Ka̱shile ke le, ele tamkpamu o okpo muku n va̱.

Amma uma a nam pa dem i ta̱ a kuꞋuwa a mala ma akina ma na ma̱ tsu kula̱ n ka̱nga̱ ka̱ farinwuta dem: Owovoni, n aza a na a̱ ka̱sa̱kpa̱i kutono mu, n aza a na o bonokoi ka̱ci ke le ili yu unata adama a̱ unushi u na a ci yaꞋansa, n aza a̱ ma̱ga̱la̱ka̱, n aza a tsugbani, n aza a̱ nkunu, n aza o kutono a̱ma̱li, n aza a aꞋuwa ra̱ka̱. Na va ɗaɗa ukpa̱ u ire.”

Ana kene ku Ka̱shile ku ukuna wa afada ku lazai, ɗa me enei gaɗi vu savu n iɗika i savu. Gaɗi vu cau n iɗika i cau a̱ puwa̱nka̱ ta̱, mala kpamu ma buwa lo ba.

Ɗa me enei Likuci i Ciɗa i na Ka̱shile ka̱ suki i ɗaɗa Urishelima† vu savu, i ɗa a̱ kuta̱ gaɗi vu Ka̱shile a̱ kucipa̱ a iɗika. Likuci i savu ya yi ta̱ an vuka vu savu vu na a̱ ka̱ɓa̱nki amila e kujeꞋeke, u foɓuso ta̱ adama a na u cina vali vi ni vu na u kolo.

Likuci i nan lo ya kuciga kanna ko wotoi adama a na ya akana ba, adama a na tsugbayin tsu Ka̱shile tsu akana ta̱ ɗe, ɗa kpamu Ma̱giri ma akanai tsu na ma̱kuni ma tsu akana. Uma ra̱ka̱ a aduniyan i ta̱ o kuyongo n kutashi ku na ka kakana a̱ likuci ya. Ngono mi ta̱ a kubanka ɗe uciyi le.