Popular Bible Verses from Aza a Ibrahim 4

Share

Akaka a̱ Ka̱shile i ta̱ ci ili i wuma i na kpamu yi n utsura. A laꞋa ta̱ kotokobi ka na e temgbei una̱ u re dem alyu. Ka tsu ɓatsa ta̱ ka̱u ali u uwa punu asuvu a̱ tsu, u pece ayinviki n kululu ku tsu. U tsu ɓatsa ta̱ kpamu e mere ma atyangi n ungu e etele. U tsu yotsongu ta̱ e keteshe ili i na ci a kuciga kusokongu punu, ɗaɗa, ili i na ci sheshei koɓolo n i na ci cikalai.

YaꞋan ci yawa ɗevu n Ka̱shile babu wovon. A̱yi ɗa vuza na wi o kuyotsongu uma kasingai. Ci yawa baci ɗevu nannai, wi ta̱ a kuyaꞋanka tsu kasingai ka̱ta̱ u ɓa̱nka̱ tsu ayin a na baci ci a kuciga.

U fuɗai u yevei a na ci babu utsura. Kalijani ka dakakai uteku u na u kufuɗa adama a na u zuwa yi u yaꞋan unushi, amma a̱yi Kishi u saꞋwa kuyaꞋan unushi ba, ko kenu.

Babu vuza na u kusokongu ili punu a aduniyan i na Ka̱shile ka̱ kukpa̱ɗa̱ kene. U ce ene ta̱ ili ra̱ka̱ tsu na yi. A̱yi ɗa Ka̱shile vuza na tsa kudana hawun ili ra̱ka̱ i na ci yaꞋin.

Ci lyaꞋa kelime n kugbaɓarangu ili i na tsu danai ci neke ta̱ a̱ɗu. Ci yaꞋan nannai adama a na ci ta̱ m mogono ma anan ganu, Yesu Maku ma̱ Ka̱shile, vuza na u bonoi gaɗi a̱ Ka̱shile.

YaꞋan tsu dakaka tsu na tsa kufuɗa adama a na tsu uwa a̱ ubuta̱ u kuvuka u ni, adama a na ka̱ta̱ vuza te vu tsu u kpa̱ɗa̱ ba, tsu na a yaꞋin adama a uteku u na a iwain kutono Ka̱shile.