Popular Bible Verses from Aza a Ibrahim 5

Share

Amma uma a̱ gba̱ra̱-gba̱ra̱ a ci lyaꞋa ta̱ tsuwaꞋa tsu na nreɓu mi a kufuɗa kulyaꞋa ba, a piꞋisa ta̱ ɗe tutu kpamu tsu na ili i singai yi kau n ili i gbani-gbani.

Yi isa ta̱ ɗe Yesu m megeshe ma ɗe, u gaꞋan ta̱ i ka̱na̱ kuyotsongusu uma o yoku. Kucikpa i cigai i ciya̱ vuza yoku u yotsongusu ɗa̱ kpamu kupiꞋisa ku iyain ka akaka a̱ Ka̱shile. Yi ta̱ tsu nreɓu n na m buwai a kapa mani ana u gaꞋin i gita̱ ɗe kulyaꞋa tsuwaꞋa. Vuza na baci ka̱ta̱ a kasai mani ba, u kuyeve ili i derere ko i gbani-gbani ba.

Ko a na Yesu wi Maku ma̱ Ka̱shile, u piꞋisai uteku u na u kupanaka Ka̱shile adama a ili i na u takacikai. Ana u kotsoi kuyaꞋan ili i na i gaꞋin u yaꞋan, ɗa wo okpoi vuza na u kuzuwa uma a̱ ciya̱ wishi u babu uteku, aza a na a ci yaꞋansa ili i na u tsu dana le a yaꞋan.

A ayin a na Yesu wi ishi a aduniyan, u folono ta̱ Ka̱shile, vuza na wi n utsura wi isa yi a̱ ubuta̱ wu ukpa̱, u yaꞋan ta̱ nannai n kacaꞋa koɓolo n kujilya. Mayun ɗa u cikpai Ka̱shile, Ka̱shile kpamu ka panakai ni mayin ili i na u danai.