Popular Bible Verses from Aza a Ibrahim 13

Share

Sa̱nka̱i ka̱ci ka̱ ɗa̱ n ukuna u kuciga ki ikebe. I cuwa̱ n ili i na yi n i ɗa. Ka̱shile ka danai, “Mi a̱ kuka̱sa̱kpa̱ wu ba, ko kenu. Mi kpamu a̱ kushirikpa̱ka̱ wu kucina̱ ba.”

Yesu Kishi u tsu sabaꞋa ba, ko kenu! A̱yi ɗa vi te na̱yin, n anana, n ko wanai.

Adama a nannai, ci ta̱ a kufuɗa kudana sakaɗi, “Mi a kupana wovon ba, adama a na Vuzavaguɗu ɗa ka̱ɓa̱nki ka̱ va̱. Uma a kufuɗa a yaꞋanka mu ili ba.”

Ka̱ta̱ i cinukpa kuyaꞋan kasingai ba, ka̱ta̱ kpamu i ɓa̱nka̱na̱i, adama a na ɗaɗa alyuka a na o yokpoi Ka̱shile.

Ka̱sa̱kpa̱ ci lyaꞋa kelime n kuyaꞋan alyuka a kucikpa Ka̱shile a̱ ka̱tsuma̱ ka kula ku Yesu, ɗaɗa kucikpa ka aza a na e kuɗeke kula ku ni.

Ka̱ta̱ i cikpa yolo. Ali n a̱ma̱ci o yongo n ukuna u mayun a kuka̱na̱ ka̱ci ke le ayin tutu, adama a na Ka̱shile ki ta̱ a kutakacika vuza na de dem u yaꞋin tsugbani ko u kpa̱ɗa̱i kuyongo n ukuna u mayun a̱ ubuta̱ u yolo.

Ka̱ta̱ i rabasa omoci a iꞋuwa i ɗa̱. Uma o yoku a yaꞋan ta̱ nannai, ɗa ta na a rabasai alingata a̱ Ka̱shile babu na e yevei.

N yaꞋan ta̱ kavasa adama a na Ka̱shile ka̱ ma̱ta̱na̱ ke neke ɗa̱ ili i singai dem i na i nambai, adama a na i yaꞋan ili i na u cigai. U ɗengusa̱i Vuzagbayin vu tsu Yesu Kishi a̱ ukpa̱. Gogo na Yesu wi ta̱ tsu Maguɓi ma Gbayin, vuza na mpasa n ni n ɗa a yaꞋankai uzuwakpani u Ka̱shile nu nkyon n ni. Uzuwakpani u nam pa wi a̱ kukotso ba. N vasa ta̱ adama a na Ka̱shile ka yaꞋan punu wa̱ tsu ili i na i yokpoi ni, a̱ ubuta̱ u Yesu Kirisiti Kishi. A̱yi ɗa e kuneke tsugbayin ko wanai n ko wanai. Ta nannai.