Popular Bible Verses from Aza a Ibrahim 12

Share

Ci ta̱ n uma n a̱bunda̱i uka̱ra̱Ꞌi n a̱tsu aza a na i agisana a ili i na uneki u ka̱ɗu wi. Tsu nan lo yaꞋan ci yaꞋan ilaɗi i malamanai ma na mi kelime ka̱ tsu ka̱ta̱ tsu ka̱sa̱kpa̱ ba. Tsu takpa a̱ ubuta̱ u wuma u tsu ili dem i na i kukpada tsu kuyaꞋan ili i na i gaꞋin ci yaꞋan; ɗaɗa unushi u na u kubonoko tsu ka̱ca̱pa̱ gogoꞋo. Mayun ɗa tsu zuwa a̱shi a̱ tsu u Yesu, vuza na wi ka̱giti ku uneki u ka̱ɗu u tsu n vuza na kpamu u kuzuwa u ɗa wo okpo uteku u na u gaꞋin. U takacika ta̱ ɗa u kuwa̱i a maɗanga ma atakaci. Amma ɗa wu ushuki n wono wa adanshi ili i ɗa ba, adama a̱ ma̱za̱nga̱ ma na u kuciya̱ a kubana megeshe. Gogo na kpamu wi ta̱ ɗe a̱ ida̱shi e kukiye ku usingai ku kakuba ko tsugono tsu Ka̱shile.†

Kulapulu ili i ɗa i na i ci yokpo uma a ayin a na a lapulakai le ba, ki ta̱ nu mɓa̱la̱! A ayin a na baci Ka̱shile ka takacikai le, ɗaɗa adama a na u yotsongu le ili i na a yaꞋin derere ba, ka̱ta̱ a piꞋisa ili punu a̱ ubuta̱ u nam pa wa ka̱ta̱ a yaꞋan ili yu usuɓi, ka̱ta̱ o yongo m ma̱ta̱na̱ kpamu.

Gbagbalai adama a na i yongo m ma̱ta̱na̱ n uma ra̱ka̱, ka̱ta̱ kpamu i gbagbala i yongo a uye u ciɗa. Vuza na dem wuma u ni wi ciɗa ba, we kene Vuzavaguɗu ba.

Ciɓai biꞋi n Yesu tsa agisana. U lulukpa̱i ana uma a gbani-gbani i a kuyaꞋanka yi ili i gbani-gbani. Adama a nannai ka̱ta̱ yo oꞋo ali i ka̱sa̱kpa̱ kudakaka ba.

I ɗaɗa i zuwai ɗa tsa kuyaꞋan ogodiya a na ci ciya̱i tsugono tsu na ili ya kufuɗa ya̱ gba̱ɗa̱sa̱ ba. Ci cikpa Ka̱shile tsu na u kuyokpo yi, ka̱ta̱ ci neke yi tsugbayin n kupana wovon u ni kpamu

Lulukpa̱i n ili i na yi a kutakacika, adama a na yi ta̱ tsu na atakaci a̱ tsu uta̱ u kesheku. Babu maku ma na ma saꞋwai kunamba atakaci a̱ ubuta̱ we esheku a̱ ni. Ka̱shile ki ta̱ a kuyaꞋan n a̱ɗa̱ tsu muku n ni.

adama a na Ka̱shile ka̱ tsu ki ta̱ tsa akina a usuɗukpi a na o tsu songu ili.

Isheku i tsu a aduniyan a lapulaka tsu ta̱ a uye u na e enei u ɗa u laꞋi n kugaꞋan a ayin kenu a yakpa. Amma Ka̱shile ka tsu lapulaka tsu ta̱ adama a na u ɓa̱nka̱ tsu, ka̱ta̱ ci ciya̱ tso okpo ciɗa uteku u na a̱yi wi ciɗa.

Yi ta̱ a kataci n unushi, amma ka̱ta̱ kataci ka̱ ɗa̱ ka zuwa le a una ɗa̱ ba.