Popular Bible Verses from Nhelo 11

Share

Munhu yawele na nhumbula ya kulavya utanzi, mbuli za heye zolutilila goya, yalingumnweza myage mazi naye konwezwa.

Yalingulavya sendi kwa isungu kangonjezelwaga lufufu, ila yohaganile kulavya kangubatigwa kuli uzunwa.

Walingidaya wanguwa hamwe na kudeula, ila kwa wanhu walingunyenyetela wana luhala.

Hali hela ulongozi isi yangugwa, hawele na wanhu wenji wa kulonga ganojile hanguwa na kikala goya.

Madito ga yatanganiche gangigalaga ukomu, naye yawele na luhala kangukwegaga nhumbula za wanhu.

Yalingukolakola yoheha kangulavyaga uviso, ila yalingukundigwa kuli muhe kanguwikaga uviso.

Munhu yawele na nhumbula inojile kanguwaga na vinhu vinojile, ila mjuvi kangilumizaga yuye.

Yalingitumbila lufufu lwa heye kogwa, ila yatanganiche kodedemka kota ihamba idodi.

Kuwa na lufufu hambe kutanze chinhu kuli zuwa lya kuzudila kwa Nguluwi, ila kutanganika kwanguloholaga kulawa kuli kubagama.

Kugoloka kwa wanhu wanojile kwanguwalongozaga, kwajilila kwa wawele na nhumbula zihile kwanguwadumyaga.

Mdala yanojile yalihela luhala, ndo kota pete ya zahabu mmhenyhelo mwa igubi.

Mizani ja uhadi ndo izudizo kwa Mkulu Nguluwi, ila chipimilo cha hachi ndo usangalalo kwa heye.