Popular Bible Verses from Nhelo 10

Share

Utambichizo wa Mkulu Nguluwi ndo ulingigala lufufu, kikangaza kwa munhu hambe konjeze choneche.

Kodita gehile wone kolonga lukami, ila yawele na luhala kunguulemeza mlomo wa heye.

Kuzudila kwangwambuzaga kilewa, ila igano lyangugubikaga gehile geng'ha.

Ugata wangwambuza uzunwa, ila moko ga munhu ga kikangaza gangigalaga lufufu.

Yalingukunda kukanyigwa kangulutila kuli ukomu, ila yalingulema, kangwajilila.

Yalingikala kwa kugoloka kangikalaga goya, yalingwajiliza kikala kwa heye kozeleka.

Kumdumba Mkulu Nguluwi kwangonjezaga ukomu, ila miyaka ja wehile jowa michefu.

Mkulu Nguluwi halinguwalekaga watanganiche wawe na nzala, ila kangulemaga maya ga wehile.

Chivuluvumbi changukolaga na mwihe kangwajililaga, ila yatanganiche kanguwichigwa nzinzili mazuwa gose.