Popular Bible Verses from Nhelo 12

Share

Lunhwinhwi mnhumbula ndo itunyo ikulu kwa munhu, ila ulonzi unojile wangumsangalaza.

Yalingugana kuhulichiza kanguganaga uwanzi, ila yohambe yagane kukanyigwa ndo yalihela nyhala.

Ulonzi wihile wangulumizaga kota ipanga, ila goyalingulonga yawele na luhala ganguchidita chilonda chipone.

Mpoka kanguyonaga nzila ya heye kota ya goya, ila yawele na luhala kanguhulichizaga ulonzi unojile.

Ugata wa mpoka wanguzelekaga himahima, ila yawele na luhala kangubezaga maligo.

Mdala yawele na nhumbula inojile ndo lutogo kwa mlume wa heye, ila yalingumbasa soni mlume wa heye ndo kota chilonda mmizeje ja heye.

Milomo jilingulonga udesi ndo izudizo kwa Mkulu Nguluwi, ila wanhu walingukundigwa ndo usangalalo wa heye.

Munhu yawele na hachi kangilolela kuli ugoloko, ila nzila ya wehile yanguwajilizaga hewo wawo.

Mlomo ulingulonga kukomya, wangikala mazuwa gose, ila umyango wa udesi ndo wa mhela uchefu hela.