Popular Bible Verses from Kolos Rãmba 1

Share

Yaa bãmb n yiis tõnd Lik naab soolmẽ n kẽes tõnd bãmb Bi-nongra Rĩungẽ

Tũu ne bãmba tɩ Wẽnd naan bũmb fãa sẽn be-b yĩngri, sẽn be-b tẽng zugu, sẽn toe n yãend la sẽn pa tõe n yãende yĩngr Na-rɩtba, Soaalba, Na-komse, Pãn-dãmba, fãa yii bãmb nugẽ, fãa bee bãmb yĩnga.

Bãmb meng n deng fãa n beẽ, la bãmb n ket n zãad bũmb fãa.

Bãmb la Wẽnd wẽnego, ninsaal nif sẽn ka tõe n teeg a soaba wẽnego. Bãmb la bũmb fãa-fãa Kãsma.

Yaa woto yĩng la tõnd me, d sẽn wʋm dẽ tɛka, d ka viigd ne pʋʋsg yãmb yĩng ye, la d kota Wẽnnaam tɩ b tall yãmba tɩ y yam wa vẽneg zãnga ne bãmb menga raabo; b sõng-y ne wʋmbo la ne bãngr sẽn yit yĩngri. Woto la y tõogd n vɩɩnd vɩɩm sẽn tog ne Soaala la sẽn tat b yam zãnga; woto la y na n tõog n maan tʋʋm sõma buud ka tɛka la y bɩɩs y bãngrã ne Soaalã.