Popular Bible Verses from Aroma 3

Share

nĩ ũndũ andũ oothe nĩmeehĩĩtie na makanyiihĩrwo nĩ riiri wa Ngai. No nĩ ũndũ wa kĩheeo kĩa wega wa Ngai, oothe nĩmaiguithanĩĩtio naake na ũndũ wa Kristũ Jesũ, ũrĩa ũmakũũrĩĩte.

Ngai areehage ũiguano gatagatĩ gaake na andũ na ũndũ wao gwĩtĩkia Jesũ Kristũ. Eekaga ũguo arĩa oothe meetĩkĩĩtie Kristũ, nĩ amu ndathuutũkanagia

Ngai aaheanire Kristũ nĩ geetha amatheragie na thakame yake meetĩkia. Ngai eekire ũguo nĩ geetha oonanie ũthingu wake, nĩ ũndũ mbere ĩyo aatũire akiragĩrĩria meehia ma andũ. Eekire ũguo nĩ geetha oonanie mahindainĩ maya atĩ we nĩ mũthingu na nĩagĩaga na ũiguano na mũndũ o wothe wetĩkia Jesũ.

Tondũ gũtirĩ mũndũ o na ũrĩkũ ũngĩiguithanio na Ngai na ũndũ wa gwathĩkĩra Watho; Watho no kuonania wonagia mũndũ atĩ nĩehĩĩtie.

o ta ũrĩa kwandĩkĩĩtwo atĩ: “Gũtirĩ mũndũ mũthingu gũtirĩ o na ũmwe. Gũtirĩ mũndũ mũũgĩ, gũtirĩ mũndũ o na ũmwe ũthaathayagia Ngai. Oothe nĩmahuutatĩire Ngai; oothe nĩmahĩtĩĩtie; gũtirĩ mũndũ wĩkaga ũrĩa kwagĩrĩire, gũtirĩ o na ũmwe.

Nĩ ũndũ nĩtũmenyeete atĩ mũndũ aiguithanagio na Ngai na ũndũ wa gwĩtĩkia gwiki, no ti na ũndũ wa gwĩka ũrĩa Watho uugĩĩte.

Aaca o na haniini! O na andũ oothe mangĩtuĩka a maheeni, Ngai egũtũũra e wa ma, o ta ũrĩa kwandĩkĩĩtwo atĩrĩ, “Rĩrĩa ũkwaria no mũhaka wonekage atĩ wee waragia o maũndũ ma kĩhooto na no mũhaka ũhootanage rĩrĩa ũgũtuĩrwo.”