Popular Bible Verses from Aroma 4

Share

Naake agĩgĩikara eetĩkĩĩtie kĩĩranĩro kĩa Ngai atarĩ na nganja naguo wĩtĩkio wake ũkĩmuongerera hinya, akĩgooca Ngai. Nĩetĩkĩĩtie na ma atĩ Ngai aarĩ na ũhoti wa kũhingia ũrĩa eeranĩire.

o ta ũrĩa maandĩko moigĩĩte atĩrĩ, “Nĩngũtuĩte ithe wa ndũũrĩrĩ nyingĩ.” Nĩ ũndũ ũcio kĩĩranĩro kĩu nĩ kĩega mbere ya Ngai, o ũcio Aburahamu eetĩkĩĩtie, o we Ngai ũria ũriũkagia arĩa makuĩte, na ũtũmaga indo o na iria itakoragwo kuo igĩe kuo.

Aaneanirwo ooragwo nĩ ũndũ wa meehia maitũ, agĩcooka akĩriũkio nĩ geetha atũiguithanie na Ngai.

Aburahamu nĩetĩkĩĩtie na akeerĩgĩrĩra, o na harĩa hataarĩ gĩtũmi gĩa kwĩrĩgĩrĩra, atĩ nĩagaatuĩka ithe wa ndũũrĩrĩ nyingĩ, o ta ũrĩa maandĩko moigĩĩte atĩrĩ, “Njiarwa ciaku ikaingĩha o ta njata cia igũrũ.”

Nĩ ũndũ ũcio, kĩĩranĩro kĩu kĩonagwo na wĩtĩkio, nĩguo gĩtuĩke gĩa kũrũũgamĩrĩra wega wa Ngai ũrĩa ũkaaheeo njiarwa ciothe cia Aburahamu; to kũrĩ arĩa mathĩkagĩra Watho, no nĩkũrĩ o na arĩa oothe meetĩkĩĩtie ta ũrĩa Aburahamu eetĩkĩĩtie. Nĩ ũndũ Aburahamu nĩ we ithe witũ ithuothe

“Kũraathimwo nĩ arĩa mooheirwo mahĩtia maao, o arĩa marekeirwo meehia maao! Kũraathimwo nĩ mũndũ ũrĩa Mwathani atagaatarĩra meehia maake!”

Amu Maandĩko moigaga atĩrĩ, “Aburahamu nĩetĩkirie Ngai, naake Ngai akĩmũtua mũthingu nĩ ũndũ wa wĩtĩkio ũcio wake.”