Popular Bible Verses from Aroma 2

Share

Kana hiihi, wee mũraata wakwa, ũgwĩciiria atĩ rĩrĩa ũgũtuĩra andũ arĩa meekaga maũndũ ta macio, o marĩa wee mwene wĩkaga, nĩũkaahonoka ituĩro rĩa Ngai? Kana hiihi nĩ ũnyararĩĩte wega wake mũnene, gũkirĩrĩria, na gweterera gwake? Kaĩ ũtooĩ atĩ tha cia Ngai nĩ cia gũkuonereria njĩra ya kwĩrira?

Hakĩrĩ ũguo, wee mũraata wakwa, ndũrĩ na kĩĩgwatio o na angĩkorwo wĩ ũ, rĩrĩa ũgũtuĩra mũndũ ũrĩa ũngĩ, nĩ ũndũ rĩrĩa ũramũtuĩra ũgacooka ũgeeka maũndũ o macio areeka, nĩ we mwene ũretuĩra.

Nĩ ũndũ Ngai ndathuutũkanagia ũrĩa andũ mahaana.

Nĩ ũndũ ti kũigua Watho ũgĩthoomwo gũtũmaga andũ matuuo athingu nĩ Ngai, no nĩgwĩka ũrĩa Watho uugĩĩte kĩĩmererainĩ.

Nĩ ũndũ Ngai nĩageeka o mũndũ kũringana na ciĩko ciake.

No rĩĩrĩ, arĩa eyendi na maregaga kũrũmĩrĩra ũhoro wa ma mageekaga o maũndũ mooru nĩmagaakinyĩrwo nĩ maraakara na mang'ũrĩ ma Ngai.

No wee wĩ mũndũ mũũmũ ngoro na ndwĩriraga, na kwoguo no kũnenehia ũranenehia ihera rĩaku rĩrĩa ũkaaheeo mũthenya ũrĩa maraakara ma Ngai na ituĩro rĩake rĩa kĩhooto ikaaguũrio.