Popular Bible Verses from Fakahā 13

Share

Kae ngata pē ‘i ha taha ‘atamai matala ‘e mahino ki ai ‘a e fika ‘o e manu fekaí. ‘Io, kapau ko e toko taha ‘atamai a‘u koe, te ke lava pē ‘o mākupusi. Ko hono fiká ko e 666, pea ‘oku ‘uhinga ia ki ha tangata.

Pea ‘e lotu ki ai ‘a e kakai kotoa pē ‘oku nofo ‘i mamani, ka ‘oku ‘ikai ke tohi honau hingoa ‘i he tohi ‘o e lami kuo tamate’i, talu mei he fakatupu ‘o mamaní.

Na‘e fakamālohi‘i e kakai kotoa pē ke nau ‘ai ha faka‘ilonga ‘i honau nima to‘omata‘ú, pe ko honau la‘é, ‘o tatau ai pē ‘a e kakai ma‘u mafaí mo e ta‘e ma‘u mafaí, mo e kakai koloa‘iá mo e masivá, mo e tau‘atāina pea mo e pōpula. Na‘e pau ke nau ‘ai kotoa ‘a e faka‘ilonga ‘o e manu fekaí, he ka ‘ikai te nau ‘ai ia pea ‘e tapu ke nau fakatau atu pe fakatau mai ha koloa. He ko e faka‘ilongá, na‘e ‘uhinga ki he hingoa ‘o e manu fekaí pea mo e fika ‘o hono hingoá.

Ka kuo pau ke puke pōpula koe, pea ‘e puke pōpula koe. Ka kuo pau ke tāmate‘i ‘aki koe ha heletā, pea ‘e tāmate‘i ‘aki koe ha heletā. ‘O mahino ai kuo pau ke fa‘a kātaki mo fai mateaki e kakai ‘a e ‘Otuá.

Peá u toe sio atu ‘oku hake mai mei tahi ha fu‘u manu fekai ‘oku ‘ulu ‘e fitu pea me‘atui ‘e hongofulu, pea ko e ngaahi me‘atui ‘e fitú na‘e ‘i ai hano kalauni taki taha. Na‘e tohi ‘i hono ngaahi ‘ulu ‘e fitú ha ngaahi hingoa ‘oku laukovi ki he ‘Otuá.

Na‘e tuku ke ne tau‘i e kakai ‘a e ‘Otuá ‘o ikuna. Pea na‘e fakamafai‘i ke pule ki he kakai ‘o e ngaahi matakali, mo e pule‘anga, mo e lea, mo e lanu kotoa pē.

Ko e manu fekai hono uá, na‘á ne kākaa‘i e kakaí ‘aki ‘ene fai e ngaahi me‘a fakaofo ma‘á e ‘uluaki manu fekaí, mo ne fakalotoa e kakaí ke nau ngaohi ha ‘īmisi ‘o e manu fekai na‘e lavea he heletā kae ‘ikai maté. Na‘e fakangofua ke ne ‘ai ke mānava ‘a e ‘īmisí koe‘uhí ke lava ‘o lea. Pea ko kinautolu kotoa pē na‘e ‘ikai loto ke lotu ki he ‘īmisi ‘o e manu fekaí, na‘e tāmate‘i.

Pea ko e manu fekai na‘á ku sio ki aí, na‘e hangē ha lēpatí, pea ko hono va‘é na‘e hangē ha peá, kae hangē ha laioné ‘a hono ngutú. Na‘e ‘oange ‘e he fu‘u talākoni ki he manu fekaí ‘a hono mālohí, mo hono taloní, pea mo hono fu‘u mafaí.

Na‘e tuku ai pē ‘a e manu fekaí ke fie lahi, mo fie ‘otua, mo fie pule, ‘o fe‘unga mo ha māhina ‘e fāngofulu mā ua.

Ko hono fo‘i ‘ulu ‘e taha, na‘e hangē na‘e lavea ‘o mei mate ka kuo toe mo‘uí, pea fakatumutumu e kakai kotoa pē ‘i māmani ‘i he manu fekai ko ení.

Pea na‘e hā mai kiate au ha manu fekai ‘e taha ‘oku ‘alu hake mei lolo fonua. Na‘e me‘atui ‘e ua ‘o hangē ha lamí, ka ko hono fu‘u le‘ó na‘e fakamanavahē ‘aupito. Na‘e ngāue‘aki ‘e he manu fekai ko ení ‘a e mafai kakato ‘o e ‘uluaki manu fekaí, ‘a ia na‘e lavea ‘o mei mate ka kuo toe mo‘uí, ko hono fakamālohi‘i ‘a māmani mo hono kakaí ke nau lotu ki he ‘uluaki manu fekaí.