Popular Bible Verses from Fakahā 14

Share

Pea ongo mai ha le‘o mei he langí na‘e pehē, “Tohi eni. ‘E tāpuaki‘i ‘e he ‘Otuá ‘a kinautolu ‘oku pekia ‘i he Eikí, mei he ‘ahó ni ‘o fai atu.” Pea tali mai ‘e he Laumālié, “‘Io, ka hili ‘enau fakaongosiá te nau fiemālie, he ‘e muimui atu ‘iate kinautolu ‘enau ngaahi ngāué.”

Ko kimoutolu e kakai ‘a e ‘Otuá, mou ako leva ‘a e fa‘a kātakí, mo talangofua ki he‘ene fekaú, mo tui kia Sīsū.

Pea kaila e ‘āngeló, “Fakahīkihiki‘i mo fakalāngilangi‘i ‘a e ‘Otuá! Kuo hokosia e ‘aho ke ne fakamāu‘i e kakai kotoa pē. Mou tū‘ulutui ki he toko taha na‘á ne fakatupu ‘a e langí mo māmani, ‘a e tahí mo e ngaahi matavai kotoa pē.”

Pea toki hā mai ‘a e ‘āngelo hono tolú ‘o kaila, “Ko e me‘a eni ‘e hoko kiate kimoutolu ‘o kapau te mou kei lotu ki he manu fekaí mo hono ‘īmisí, mo ‘ai hono faka‘ilongá ‘i homou nimá, pe ko homou la‘é. Te mou inu he uaine ‘oku fakainu‘aki ‘e he ‘Otuá ‘a kinautolu ‘oku fakatupu houhau kiate ia. ‘E hoko kiate kimoutolu hono houhau lahí, pea ‘e fakamamahi‘i‘aki kimoutolu ‘a e afi, mo e sūlifa kakaha, kae tu‘u pē ‘a e Lamí mo e kau ‘āngelo mā‘oni‘oní. Kapau te mou lotu ai pē ki he manu fekaí mo hono ‘īmisí, mo tali e faka‘ilonga hono hingoá, ‘e fakamamahi‘i kimoutolu he ‘aho mo e pō. ‘E kohu ‘a e afi ko homou fakamamahi‘í, pea ‘e ‘ikai ke mou ma‘u ha fiemālie ‘o ta‘e ngata.

Na‘á ku toe sio atu tā ‘oku tu‘u ‘a e Lamí ‘i Mo‘unga Saione. Pea ‘oku tu‘u fakataha mo ia ha fu‘u kakai ‘e toko 144,000 kuo tohi ‘i honau la‘é ‘a hono hingoá mo e hingoa ‘o ‘ene Tamaí.

Pea na‘e toe hā mai ha ‘āngelo ‘oku puna hake he ‘ataá mo e ongoongo lelei ta‘e ngata ke tala ki he kakai ‘o e ngaahi ha‘a, matakali, lea, mo e pule‘anga kotoa pē ‘i māmani.

Pea hoko mai e ‘āngelo ‘e taha, ‘o ne pehē, “Kuo kapa, kuo kapa ‘a Pāpilone talā, ‘a e kolo na‘á ne fakainu e ngaahi pule‘anga kotoa he uaine ‘o ‘ene fakalieliá!”