Popular Bible Verses from 1 Tīmote 3

Share

Ka u ‘ai atu e koloa fufū ‘o ‘etau lotú, Na‘e hoko mai ‘a Kalaisi ko e tangata, Pea fakahaa‘i ‘e he Laumālié ‘a e hoa ‘ene mo‘uí mo e finangalo ‘o e ‘Otuá, Pea māta‘ia ia ‘e he kau ‘āngeló. Na‘e malanga‘i ia ki he tukui fonuá, Pea tui kiate ia ‘a māmani, Pea ‘ohake ia ‘i he lāngilangi lahi.

Ko hono ‘uhinga ia ‘oku taau ai mo e kau taki lotú ke lelei honau ongoongó mo mali mo e fefine pē ‘e taha. Kuo pau ke nau mapule‘i kinautolu, mo fakapotopoto, mo anga-fakamatāpule, mo mata kāinga, pea poto he faiakó.

Ke pule‘i lelei ‘e he kau taki fakalotú honau ngaahi fāmilí, pea tokanga‘i ‘enau fānaú ke mo‘ui talangofua mo anga-faka‘apa‘apa ma‘u pē.

Ko e kau tokoní, ke anga-nofo ki honau malí, pea pule‘i lelei ‘enau fānaú mo honau fāmilí. Ka ai ha ni‘ihi ‘e sia‘a ‘enau takí, kuo pau honau tokangaekina mo faka‘apa‘apa‘ia‘i ‘e he kāinga lotú, koe‘uhi ko ‘enau tui kia Kalaisi Sīsuú.