Popular Bible Verses from 1 Tīmote 4

Share

Vakai na‘a ta‘e toka‘i koe koe‘uhi ko ho‘o kei si‘í. Tā sīpinga ki he kāinga lotú ‘i ho‘o tō‘onga mo‘ui kotoa pē, mo ho‘o lea kotoa pē, pea pehē pē ki ho‘o ‘ofá, mo ho‘o tuí, mo ho‘o mo‘ui faka‘ehi‘ehí.

“Ko e fakamālohi sinó ‘oku ‘aonga ki he sinó. Ka ko e fai mālohi he lotú, ‘oku ‘aonga he tapa kotoa. He ‘oku fakatupu mo‘ui ia he lolotongá ni mo e kaha‘ú, pea fai pē ‘o ta‘engata.”

Tokanga‘i lelei ‘a e anga ho‘o laká mo ho‘o malangá, ka ke hao ai, pea pehē ki he kakai ‘oku nau fa‘a fanongo ‘i ho‘o malangá.

Kuo fakahā mahino ‘e he Laumālié ‘e lī‘aki ‘e he tokolahi ‘enau tuí ‘i he ngaahi ‘aho faka‘osi‘osi ‘o māmaní. ‘E lohiaki‘i kinautolu ‘e ha ngaahi fa‘ahikehe, pea te nau hē ai ‘o muimui ‘i ha ngaahi fakakaukau fakatēvolo.

‘Oua te ke tali ha ngaahi fananga pe ko ha ngaahi talanoa tukufakaholo ta‘e ‘aonga. Tūkuingata ke mo‘ui fakalotu mo‘oni. He ‘oku mo‘oni ‘aupito e laú

Fai ai pē hono lau ‘o e Folofolá ‘i ho‘omou ngaahi feinga lotú kae ‘oua kuó u a‘u atu. Pea ‘oua ‘e tuku hono malanga‘i mo hono ako‘i ‘o e Folofolá.