Popular Bible Verses from 1 Pita 4

Share

Pea ko e me‘a tēpuú, ke mo‘oni ho‘omou fe‘ofo‘ofaní. He ko e ‘ofá, ‘oku melemo ai ha ngaahi angahala lahi.

Kuo foaki kiate kimoutolu tāutaha ‘e he ‘Otua Mahu Tafeá ha tufakanga makehe ke ke tauhi‘aki ‘a e kakaí. Faka‘aonga‘i lelei ho tufakanga ko iá.

Kapau ko ho tufakangá ko e pōto‘i lea, peá ke malanga‘i e Folofola ‘a e ‘Otuá. Pea kapau ko ho tufakangá ko e tokoni‘i e kakaí, peá ke fai‘aki ‘a e ivi ‘oku ‘oatu ‘e he ‘Otuá. Fai e me‘a kotoa pē ke fakamālō‘ia ai e ‘Otuá koe‘uhi ko Sīsū Kalaisi, ‘a ia ‘e hau lāngilangi‘ia ai pē ‘o ta‘e ngata. ‘Ēmeni.

Kapau ko ho‘o mo‘ua ha mamahi koe‘uhí ko ho‘o Kalisitiané, pea ‘oua te ke mā ai, ka ke fakamālō ki he ‘Otuá.

Kuo vave foki ke ngata ‘a māmani. Ko ia, mou fakapotopoto mo tokanga, koe‘uhi kae lava lelei ho‘omou fa‘a lotú.

Si‘oku ngaahi kaungāme‘a, ‘oua te mou ‘ohovale ‘i ha‘amou fetaulaki mo ha ‘ahi‘ahi ‘oku hangē ko ha‘amou fou atu ‘i ha afí. Mou fiefia ‘i ho‘omou ma‘u faingamālie ke kātaki‘i ha mamahi ‘o hangē ko Kalaisí, koe‘uhí kae fakautuutu ho‘omou fiefiá ‘i he‘ene toe foki lāngilangi‘ia maí.

Mou fe‘uhi‘aki, pea ‘oua ‘e fengulungulu‘i.

Kapau ‘oku mou faingata‘a‘ia koe‘uhí ko ho‘omou talangofua ki he finangalo ‘o e ‘Otuá, pea mou tui pē ki homou ‘Eiki Fakatupu falala‘angá, mo failelei ma‘u pē.

Ho‘omou mo‘ua he ngaahi mamahi peheé, ko e fakamo‘oni ia kuo tuku ho‘omou fai angahalá. Ko e fakamo‘oni ia kuo tuku homou lotó kae fai e finangalo ‘o e ‘Otuá ‘o a‘u ki he ngata‘anga ho‘omou mo‘uí.

Ka ngaohikovi‘i kimoutolu koe‘uhi ko Kalaisi, pea mou lau pē ko homou fakakoloa. Ko e fakamo‘oni ia ‘oku fā‘ofale ‘iate kimoutolu ‘a e Laumālie lāngilangi‘ia ‘o e ‘Otuá.