Popular Bible Verses from 1 Pita 3

Share

Fakalāngilangi‘i mo‘oni ‘a Kalaisi. Pea tuku ke ne ‘Eiki ‘i ho‘omou mo‘uí. ‘Ai ke mou mateuteu ai pē ke tali ‘a e ngaahi fehu‘i ‘a ha taha ‘o kau ki he fakatu‘amelie kuo mou a‘u ki aí. Pea ‘ai ho‘omou ngaahi talí ke anga-faka‘apa‘apa mo anga-malū. He kapau te mou fai pehē, ‘e mā leva ‘a e kakai ‘oku nau laukovi atu koe‘uhi ko ho‘omou failelei ‘i ho‘omou muimui ‘ia Kalaisí.

He ‘oku le‘ohi ‘e he ‘Eikí ‘a e kakai ‘oku talangofua kiate iá, peá ne tali ‘enau lotú. Ka ‘okú ne fakafe‘ātungia kotoa ‘a e kakai faikoví.”

Vakai na‘a fakafalala ho faka‘ofo‘ofá ki ha ngaahi me‘a fakasinó, ‘o hangē ko e ngaohi ‘ulú, mo e me‘a teuteú, mo e kofú. Kae ‘ai ke ke faka‘ofo‘ofa ‘i loto, ‘aki ho‘o anga-lelei mo anga-malū ma‘u pē. Ko e fa‘ahinga faka‘ofo‘ofa ia ‘oku tolonga, pea mahu‘inga taha ki he ‘Otuá.

“Kapau ‘okú ke ‘ofa he mo‘uí, mo fie lakalakaimonū, pea tuku e laukoví mo e loí. Tuku e faikoví kae failelei. Tūkuingata he fekumi ki he melinó.

Ka u fakamā‘opo‘opo. Kuo pau ke mou felotolotoi mo feongoongoi. Mou fe‘ofo‘ofani, mo feveitokai‘aki, mo fetukulolo‘aki. ‘Oua ‘e sauni ha kovi pe ko ha laukovi ‘e fai kiate kimoutolu. Ka mou anga-‘ofa ki he kakai kotoa pē. Pea ‘e tāpuaki‘i ai pē kimoutolu ‘e he ‘Otuá. He ko ‘ene kakai fili kimoutolu. Ko e lau eni ‘a e Folofolá

Ko hai ‘e lava ha‘ane me‘a kiate kimoutolu, ‘o kapau te mou vēkeveke ke failelei?

Tuku e faikoví kae failelei. Tūkuingata he fekumi ki he melinó.

‘E ngutuhua ange foki ha‘amou faingata‘a‘ia koe‘uhi ko ho‘omou faileleí, ‘o kapau ko e finangalo ia ‘o e ‘Otuá, ‘i ha‘amou faingata‘a‘ia koe‘uhi ko ha‘amou faikovi.