Popular Bible Verses from 1 Pita 5

Share

Tuku atu kotoa ki he ‘Otuá homou loto-mo‘uá. He ‘okú ne lehilehi‘i kimoutolu.

Pea ka hili leva ha‘amou faingata‘a‘ia fuonounou pehē, pea ‘e toe fakakake, mo toe fakama‘uma‘uluta, mo toe fakaivia kimoutolu ‘e he ‘Otuá. He ko e ‘ofa ‘a e ‘Otuá, ko e ‘ofa lī‘oa.

Mou ‘ā mo le‘o. He ko homou filí ko e tēvoló, ‘okú ne hangē ha laione fekai ‘okú ne kumi holo ma‘u pē ha taha ke ne keina. Kuo pau ke mou taliteke‘i ia, mo tui mālohi ai pē. ‘Oku kaungāfaingata‘a‘ia fakataha mo kimoutolu ‘a e kau muimui kia Kalaisí ‘i he tapa kotoa ‘o māmani.

Ko ia, ‘ai ke mou anga-fakatōkilalo, he ‘oku mou nofo ‘i he malumalu e Māfimafi ‘o e ‘Otuá, pea te ne toki hākeaki‘i kimoutolu.

Kau talavou mo e kau finemui, mou fakaongoongo ki he kau mātu‘á. ‘Io, mou anga-fakatōkilalo kotoa pē. He ko e lau ē ‘a e Folofolá, “‘Oku fakafe‘ātungia ‘e he ‘Otuá ‘a e kakai ‘oku anga-fielahí. Ka ‘okú ne tokoni‘i ‘a e kakai kotoa pē ‘oku anga-fakatōkilaló.”