Popular Bible Verses from 1 Pita 2

Share

Ka ko e kakai kimoutolu kuo fili ‘e he ‘Otuá. Ko e ha‘a faifekau kimoutolu. Ko ha kakai kuo fakatāpui. Kuo tataki mai kimoutolu ‘e he ‘Otuá mei he fakapo‘ulí ki he‘ene maama fakaofó, ke mou fanongonongo ‘ene ngaahi ngūe kāfakafa kuo faí. Hangē ko e lau ‘a e Folofolá

Na‘e fuesia ‘e Kalaisi ‘a e kanongatāmaki ‘o ‘etau ngaahi angahalá. Na‘e tukifa‘o ia ki he kolosí, hei‘ilo ‘e tuku ai ‘etau fai angahalá ka tau fei mo mo‘ui tōnunga. Ko hono ngaahi kafó mo hono ngaahi volú kuo mou mo‘ui aí. Na‘a mou hangē ha fanga sipi heé. Ka ko eni kuo fakafoki mai kimoutolu ke mou muimui kia Kalaisi, He ko homou Tauhí mo e Le’ó ‘o homou laumālie

“Ko e fa‘ahinga me‘avale pē kimoutolu ‘i he ngaahi ‘aho ko eé. Ka ko e ‘ahó ni ko e kakai kimoutolu ‘a e ‘Otuá. Na‘e ‘ikai ‘ofa ha taha ‘iate kimoutolu ‘i mu‘a. Ka ko eni kuo ‘alo‘ofa ‘a e ‘Otuá kiate kimoutolu.”

‘Ai ke mou hangē ha fanga ki‘i valevale toki fanau‘í, ‘o fieinua ma‘u pē ki he hu‘ahuhu fakalaumālie haohaoa te mou lava ‘o tutupu hake ai, pea fakahaofi ai homou laumālié.

Si‘oku ngaahi kaungāme‘a, ‘oku ou kole atu kiate kimoutolu ke ‘oua te mou fakatuituia ‘a e ngaahi holi ‘a homou kakanó, ‘a ē ‘oku fakafetau ki homou laumālié. He ko e kau muli mo e ‘āuhē kimoutolu ‘i māmani. ‘Ai ke sio atu e kakaí ‘oku taau ho‘omou tō‘onga mo‘uí, neongo ha‘anau kei fakaongoongokovi‘i kimoutolu. He ka hoko e ‘Aho Fakamāú, pea te nau fakamo‘oni‘i leva ho‘omou faileleí, pea ‘e lāngilangi‘ia ai e ‘Otuá.

Pea ko eni ko e ngaahi maka mo‘ui kimoutolu ‘oku lolotonga langa‘aki ha fale fakalaumālie. Ko ha ha‘a faifekau kimoutolu kuo fakatāpui ho‘omou mo‘uí. Pea ‘e tokoni‘i kimoutolu ‘e Sīsū Kalaisi ke mou ‘oatu ha ngaahi feilaulau ‘e hoa mo e finangalo ‘o e ‘Otuá.

Tuku ‘aupito ho‘omou fai koví. Tuku e loí, mo e mālualoí, mo e fakameheká, mo e laukoví.

Mou omi kiate ia, kia Sīsū Kalaisi! He ko ia ‘a e Maka Mo‘ui ‘oku fakata‘e‘aonga‘i ‘e he kakaí, ka kuo fili mo mātu‘aki fakalāngilangi‘i ia ‘e he ‘Otuá.

Ko e kakai tau‘atāina kimoutolu. Ka ko e kau sevāniti pē kimoutolu ‘a e ‘Otuá. Vakai na‘a mou faikovi koe‘uhi ko e pehē ‘oku mou tau‘atāiná.

Ko e finangalo e ‘Otuá ke mou fakangata e ngaahi lau ‘a e kakai fakapo‘ulí ‘aki ho‘omou faileleí.