Popular Bible Verses from ROMTE 3

Share

mi zosia’n thil a hikhial zaw tak ziak un, Pathian lopina a chang zo talo uh ahi; Khrista Jesu tatna jal ah chun, a hepina ziakin a thawn ah thiamchansak I hitau hi

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a

a thisan ziak ah thupha choina hiding leh ginna chang dingin, Pathian in a guat a. Pathian in a dikna latsakna dingin, a dawtheina ziak ah nidang lai gitlonate a kihiat losak ziakin, ama chu a dik in, Jesu ginna nei mi chu thiam a chansak hi, ti a kichetna dingin.

Ziaziakchun, “Dan thil hi ah kuama ama mit mu in thiamchang ding a um pua’n,” dan ziakin gitlo kihiatna um a hibep ngal a.

“Kuama midik a um puau in, pakhat chale a um puau hi. Kuama a hethiam a um puau in, Pathian hawl him himle a um puau hi. A leng un lampi chuam ah a pêtmang zo tau in, bangma phatchuamna bei in a um sik sek un; thilpha bawl him him a um ta puau in, pakhat chale a um ta puau hi.

Dan dungzui ah thilhi ziak hilo in, ginna ziak zaw’n mi chu thiamchang a hiu ti I pom ui.

Hinaisai lo e! Mi zosia zuauthei hi zawu hen la, Pathian chu dik hen; Pathian thu ah: “La thugen in nang thiam a hun chansak ah, vaihawmna la zaw theina dingin,” ti zik gual ah khan.