Popular Bible Verses from ROMTE 2

Share

Ziaziakchun, aw nang mihing, nangma zia gual thil bawlsekte awimaw sekpa chun, zia gual ma chu la bawl leh, Pathian vaihawmna chu pumpel diak dingin la kigingcha a hem? Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

Ziaziakchun, Aw mihing, bang gual mi hiziang lechinle suanlam ding bangma la nei diak puai: Midang awimaw sek lechinle, nang in midang demsia zing sek in, nang inle zia tawhbang ma chun la bawl kit sek ngal a; ziaziakchun, nang in mi la demsiatna ma ma chun nangmale thiamlo la kichansak ahi.

Pathian in mi doichuam a nei pawngal a.

Dan hete mai chu Pathian ma ah thiamchang ahi puau in, dan gual ah bawlte chu thiamchang in um zaw’n au.

Pathian chun mitin amau thilbawl dungzui chiat ah hun dit ding ahi ngal a.

Himaleh, amau lungawina ding bep hawl ah, thutak zawm nuam lo ah, diklona dan zawm zaw te chung ah chun a thangtawmna leh a lungnatna chu tung in a.

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.