Popular Bible Verses from ROMTE 4

Share

Ginna tasam in Pathian thutiam chu a ginglel diak pua’n, ginna hat tak in Pathian a chawihoi zaw ta’n; a thutiam a lawtinsak thei hi ti a gingcha ma ma ah, a ginna chu a hung detzaw ta ahi.

Pathian lekha thu ah, “Nam tam takte pa hiding in ka hun siam tai,” a ti gual ah khan; a gin Pathian chun mithi a kaithaw ma pek a khanle, thil umlo te chu a um gual in a la gen thei ta ahi.

ama chu I gitlonau ziakin thâ in a um ah, thiam I channa ding un kaithaw in a um kit tai.

Tichun, nam tam takte pa a hung hi’theina ding ah chun, a kigen tasa gual ngei in, kinepna ding umlo kei inle kinepna a la neitheina, ginna a nei ziakin, “La suan chu zia gual ah chu tam tak hiding a hiu,” ti chu a hung dik ta ahi kha.

Hepina ziak ahitheina dingin ginna chu a hung um ah, a thutiam chu a suante zosia chung ah, a tawp chan ah a um zing theina dingin, Dan nuai ah umte bep hilo in, Abraham ginna kikoppite â dinginle ahi, ama chu I leng ua pa ahi ngal a.

“A thil hi’khelnau ngaidam ah um ah, a gitlonateu liakhu ah um chu, mi hampha a hiu. LALPA‘n gitlona nei ah a guatlote chu, mi hampha a hiu,” ti in.

Pathian Lekha thu chun bang a gen em? “Abraham chun Pathian a ging ah, zia chu ama dikna ah ngai ahi,” ti ahi.