Elke nuwe dagVoorbeeld

God gee om vir jou

Ons word in ons smart getroos wanneer ons besef God gee vir ons om. Hoe kan jy jou geloof onteer deur die hele tyd so bekommerd te lyk? Wees geduldig, kind van lyding. God het nie van jou vergeet nie. Hy wat die mossies voed, sal vir jou gee wat jy nodig het. Moenie dat wanhoop jou onderkry nie.

Daar is Een wat vir jou omgee. Moenie in God se genade twyfel wanneer jy voor probleme te staan kom nie. Glo dat Hy jou in moeilike tye net so liefhet as in gelukkige tye. As jy met jou hele siel op Hom vertrou, hoekom nie ook met jou liggaam nie? Laat jou bekommernisse in die hande van ’n genadige God.