Elke nuwe dagVoorbeeld

In vurige beproewings

Troos jouself met dié gedagte: Laat droefheid kom; God het my gekies. Wat ook al met my gebeur in hierdie vallei van trane, weet ek dat Hy my gekies het.

Onthou: die Seun van die mens is saam met jou in die smeltkroes. Jy kan Hom nie sien nie, maar jy kan sy hande op jou voel. Moenie bang wees nie, Christen. Jesus is by jou in al jou vurige beproewings. Sy teenwoordigheid is daar om jou te troos én te beskerm. Hy sal nooit een van sy uitverkorenes in die steek laat nie. Gryp dus sy hand en volg waar Hy lei. Selfs in die vallei van doodskaduwee sê Hy: “Moenie bang wees nie, Ek is by jou, moenie bekommerd wees nie, Ek is jou God” (Jesaja 41:10).