Die Sous: Soek EersteVoorbeeld

Toename en Groei

Deur die geregtigheid en genade van Jesus, kan ons 'n toename in ons geestelike groei ondervind. Geregtigheid is 'n bepalende eienskap wat ons in Jesus vind en kan waarneem deur die manier waarop Jesus sy lewe geleef het. Ons lees in die evangelies dat Jesus 'n volmaakte lewe gelei het. Alhoewel ons ver van volmaak is, erf ons die eienskap van Jesus se geregtigheid deur 'n verhouding met Hom. Ons kry die belofte dat ons sy volmaakte geregtigheid beërwe wanneer ons Jesus as ons Here en Verlosser aanneem. Ons is dan vrygemaak van ons sondes om die ewige lewe te beërwe. In ons posisionele geregtigheid deur 'n verhouding met Jesus, het ons toegang tot God se guns. Vandag bid ons om 'n toename van sy seëninge en guns in ons lewens. Ons bid om God se seën sodat ons 'n verlenging van Hom kan wees en diegene om ons kan seën. Ons vra dat God ons invloed sal vergroot sodat ons impak vergroot en ons sodoende die Woord van God kan versprei om Hom by die verlorenes en diegene wat gevind word, te verteenwoordig en in Christus te herskep.

Toepassing / Nadenke:

• Hoe het jy al God se guns en seëninge in jou lewe gesien?
• Wat sê God vir jou hoe jy jou toename en invloed tot sy eer moet bestuur?
• Op watter gebiede glo jy sal God se seëninge sy Naam verheerlik?

Gebed:

Here, ek is so dankbaar vir die gawes van verlossing en geregtigheid deur u Seun, Jesus. Ek erken dat u goed is alhoewel ek tekortskiet, noem u my regverdig en kies om aan my u guns en seëninge te bewys. Ek bid dat ek 'n goeie rentmeester van u guns en seëninge sal wees. Ek bid om hulp om noukeurig na u instruksies te luister en 'n lewe te lei wat u liefde en geregtigheid weerspieël. Ek vra dat u my met u seën en guns sal toerus om te doen waarvoor U my geroep het. Ek bid dat terwyl ek in u guns wandel, ek ander sal beïnvloed om u aangesig te soek en in Christus herskep word. In die Naam van Jesus. Amen.