Wees Versigtig Waaroor Jy DinkVoorbeeld

Oefen Om Nie Meer Aan Daardie Gedagte Te Dink Nie!

Verbeel jou: daar waar jy bly is dit nou een of ander vakansie en daar gaan 'n parade wees! 

Die parade begin. Die eerste vlot is fantasties! Dit is 'n sterk en reusagtige weergawe van jou gunsteling superheld!  

En dan ... gebeur dit. Die tweede vlot is 'n reuse nar wat vier en 'n half meter hoog is. Een van daardie grillerige narre. Jy ken die soort. Die soort wat jou laat gil en skree en nie glimlag of lag nie! Wie het in elk geval dit goedgekeur dat hierdie nagmerrie in die parade moet wees? Mense begin bang raak. Ouers hou hulle kinders 'n bietjie stywer vas. Jy kan nie ophou om te staar nie.

Die vlot gaan by jou verby. Almal ontspan 'n bietjie toe hulle die volgende vlot sien. Dit is 'n reuse babahondjie wat sy stert jaag. Dit is beter! 

Jy wil egter niks te doen hê met die pret van die volgende vlot nie. Jy verlaat jou plek in die skare en volg die grillerige nar vir die res van die paraderoete. Selfs na die parade verby is, staan jy nog daarby. Jy kyk die hele tyd totdat mense dit uitmekaar haal en vir volgende jaar wegpak. 

Wag! Sou jy so iets doen? Ja, daar was een slegte/snaakse/grillerige/ontstellende vlot in die parade, maar hoekom sal jy die res van die dag bederf deur vasgevang te word om daarna te staar? Dit sal net laf wees.

Jy sal dit nie doen nie. Jy is te slim. Jy sal die vlot laat verbygaan en die res van die dag geniet!  

As dit maar net so maklik was om negatiewe gedagtes ook so te laat verbygaan! Was jy al ooit in die middel van 'n baie goeie dag net om een slegte oomblik by jou te laat vassteek wat jou hele dag verder bederf? Jy is nie alleen nie, maar jy kan leer hoe om negatiewe en sondige gedagtes by jou te laat verbygaan soos 'n vlot in 'n parade.  

Hierdie hele leesplan gaan daaroor om goeie gewoontes te kweek — tussen ons ore. Ja! In jou kop! Dit verg meer werk as wat mense besef om jou gedagtes in te oefen om aan Christus gehoorsaam te wees, maar dit is beslis die moeite werd.  

Hierdie volgende video sal jou wys hoe om beter te word om goeie gedagtes te kry om op te fokus.  

Vra jouself af: Wanneer het ek te veel tyd daaraan gewy om in 'n negatiewe houding vasgevang te wees? Waaraan kan ek my brein oefen om te dink wanneer ek op iets beter moet fokus?

Daag jouself uit: Haal daardie joernaal uit! Dit is tyd om een ding neer te skryf waarvoor jy dankbaar is. Onthou, dit moet iets van vandag wees. Dit hoef nie lank te wees nie. Dit kan letterlik net een sin wees of net 'n paar woorde. Skryf dit neer by vandag se datum.  

Bid: Vader, dankie dat U my leer hoe om my brein te oefen sodat ek fokus op dit wat reg is. Dit is harder werk as wat ek besef het, maar wanneer ek meer en meer fokus op wat U wil hê ek aan moet dink, is ek dankbaar dat dit bietjie vir bietjie makliker raak. In die Naam van Jesus. Amen.