Nader tot GodVoorbeeld

Lees: 2 Timoteus 3:16-17, 2 Petrus 1:20-21

SOAP: 2 Timoteus 3:16-17

As ek daaraan dink om te oefen, gaan my gedagtes gereeld terug na my dae as ‘n atleet; naellope hardloop, gewigte optel, my liggaam verder dryf as wat ek dink moontlik is. Die wortel van die woord wat in Grieks gebruik word vir opleiding, verwys egter na die hele opleiding en opvoeding van ‘n kind. As 'n moeder kry dit vir my nou nuwe betekenis. Die doel is nie ‘n fisiese oorheersing nie, maar dit is die opbou van die hart, gees, siel en sedes van ‘n klein mensie. Dit gebeur deur aanmoediging, teregwysing en dissipline.

Paulus vertel dat die Skrif deur God geïnspireer is. In hierdie brief het hy Timoteus ook ‘n lys gegee van vier maniere waarop die Skrif nuttig sou wees in sy bediening: vir onderrig (wat reg is), vir teregwysing (wat nie reg is nie), vir regstelling (hoe om iets reg te kry), en vir opleiding in geregtigheid (hoe om reg te leef).

Vader, ons is dankbaar vir die bruikbaarheid van u Woord. Of ons nou fisiese kinders of geestelike kinders oplei, u woord is ‘n lamp vir ons voete en ‘n lig vir ons pad. Help ons om in u weë te wandel. Amen.