'n Plek Aan Die TafelVoorbeeld

Die Aardbol 

Soos U My na die wêreld toe gestuur het, het Ek hulle ook na die wêreld toe gestuur. — Johannes 17:18

Watter aandenkings bring jy saam terug huis toe as jy gereis het? 

Dalk geniet jy dit om handgemaakte juweliersware of klere te bring, of dalk verkies jy aandenkings in die vorm van kos. Een van die beste dinge van reis, is wanneer ons 'n stukkie van die plek wat ons besoek het saam terugbring en dit met ander deel!

Ons kry 'n voorsmakie van die koninkryk van die hemel as ons onsself die geleentheid gee om kulture te ervaar wat van ons s'n verskil. Ons eet vreemde kos, praat met mense wat 'n ander taal praat en leer uit hulle ervarings. 

God heg waarde aan elkeen van die ongeveer seweduisend tale in die wêreld. Die Skrif vertel ons inderwaarheid dat die koninkryk van die hemel eendag vol mense sal wees van elke taal op aarde, wat God prys. (Die Openbaring 7:9-10) Wat 'n asemrowende prentjie!

Die koninkryk van die hemel is uitgestrek en uiteenlopend. Ons roeping as volgelinge van Christus hier op aarde, is om die koninkryk van God te weerspieël. Of jy jouself nou een wil noem of nie, jy is 'n sendeling. Jou lewe is 'n getuienis van God se goedheid en getrouheid aan jou gesin, bure, vriende, kollegas en almal wat God oor jou pad stuur! 

Wat doen jy omtrent jou allesomvattende roeping?

Stof tot nadenke:

• Na watter land in die wêreld sou jy graag wou reis?
• Wat het jy by iemand van 'n ander kultuur geleer?
• Op watter manier kan jy uit jou kulturele gemaksone beweeg?

Olavi and Marja se liefdesverhaal, met al die goeie en slegte tye, is pragtig verweef met hulle allesomvattende roeping van God.