'n Plek Aan Die TafelVoorbeeld

Die Visnet 

"Verder gaan dit met die koninkryk van die hemel soos met 'n treknet wat in die see gegooi is en allerhande soorte vis vang. — Matteus 13:47

Toe ons kinders was, het baie van ons gesoebat vir slaaptydstories oor avonture in denkbeeldige wêrelde. 

Soos ons groter geword het, het ons nooit regtig opgehou om stories te vertel of daarna verlang om stories te hoor nie. Ons praat nog steeds oor ons reisavonture en vertel hoe ons ons wederhelf ontmoet het. Ons lees boeke en kyk na flieks. Dit maak nie saak wie jy is of waarvandaan jy kom nie; ons almal deel 'n universele liefdesverhaal.

Dit is dus geen verrassing dat Jesus dikwels stories vertel en beeldspraak gebruik het nie. 

In sy landbou samelewing het Jesus dikwels aanklank gevind by sy luisteraars deur metafore van boerdery of visvang te gebruik. Mense het die beeldspraak verstaan. In Matteus 13:47 kies Jesus om die koninkryk van die hemel met 'n visnet te vergelyk.

Jesus se beeld van 'n visnet was doelbewus en nie net om aanklank te vind by die mense of die samelewing nie. Dit was bedoel om ook aanklank te vind by ons. Stel jou 'n groot visnet se ingewikkelde weefwerk voor. So 'n visnet vang allerhande soorte vis.

Die koninkryk van God is nie net vir mense wat elders is nie; dit is ook vir mense in jou samelewing en buurt. Dis vir mense wat uit gebroke huise kom, vir hulle wat hartseer is en verwerp word. As Christus se volgeling het ons die voorreg om mense daaraan te herinner dat hulle in die beeld van God geskape is en hulle dan uit te nooi om sy uitnodiging van verlossing te ervaar.

Gooi jy 'n "groot visnet" in jou eie lewe uit?

Stof tot nadenke:

• Indien Jesus vandag 'n gelykenis sou gebruik om met jou te praat, watter beeldspraak dink jy sou Hy gebruik?
• Hoekom is dit belangrik om 'n groot visnet uit te gooi?
• Dink oor mense in jou buurt en plaaslike gemeenskap wat anders is as jy. Hoe kan God jou vandag gebruik om liefde aan hulle te betoon?

Die koninkryk van God is vir die mense rondom jou — en Pastoor Peter weet dit goed. Hy het 'n innoverende projek begin wat God se Woord na sy bure gebring het!