Rick Warren se Daaglikse OordenkingsVoorbeeld

God se voorsiening: getroue gewer

Die beginsel van saai en oes is 'n universele wet. Wanneer ek vrygewig saai sal ek daarby baat, want ek sal ruim oes.

Elke boer weet dit. 'n Boer het vier sakke saad in sy skuur en dan kyk hy na sy leë veld. Hy kla nie daaroor en sê: "Daar is geen oes nie! Ek wens daar was 'n oes!" nie. Hy gaan bloot uit en begin om die sade te plant. Wanneer jy 'n behoefte het, plant 'n saad.

Dit klink nogal onlogies dat ek moet gee wanneer ek 'n behoefte het.

Waarom het God dit so bewerkstellig? Omdat God 'n gewer is. Hy is die vrygewigste Gewer in die heelal, en God wil hê jy moet leer om soos Hy te wees. Hy wil karakter in jou bou.

Die Bybel sê: "Vereer die Here met offerandes uit al wat jy besit en met die beste uit jou oes" (Spreuke 3:9). Dit is die beginsel van tiendes. Dit is die beginsel wat sê, elke keer wanneer ek R100 verdien sal die eerste R10 na God toe gaan.

Om 'n tiende te gee, is 'n daad van aanbidding. Ons gee aan God. Ons sê: "Alles kom in elk geval van U af." God sê: "Stel my eerste in jou lewe en kyk wat Ek gaan doen." Jy mag dalk dink jy kan dit nie bekostig om jou tiende te gee nie, maar die werklikheid is, jy kan nie bekostig om dit nié te doen nie.