JakobusVoorbeeld

Lees: Jakobus 5:19-20

SOAP: Jakobus 5:19-20

Jakobus eindig hierdie kragtige en uitdagende brief aan die verspreide en vervolgde Joodse Christene. Hy bemoedig hulle om passievol die mense wat van die geloof af weggedraai het, na te jaag. Gelowiges word geroep om te bid vir diegene wat wegdwaal van die geloof en hulle nederig terug te bring na die Here toe. 

Waar sien jy die bewys van Satan se invloed en inmenging soos jy (of iemand wat jy liefhet), ywerig die Here wil volg en gehoorsaam? Waar sien jy God se beskerming en vreugde te midde van moeilike omstandighede? Soos ons ywerig vir God leef, kan ons moedig vir God vra om 'n persoon wat weggedwaal het van die geloof, terug te bring, vir Sy wysheid en onbaatsugtige liefde, vir Sy krag om ons spraak te beheer en vir meer geloof om Hom geduldig in ons lyding te vertrou. 

Vader God, ek dank U vir U genade, barmhartigheid en geregtigheid deur Jesus se opoffering aan die kruis. Help my om gehoorsaam te wees aan U Woord. Beskerm my teen ontmoediging en twyfel wanneer ek swaarkry ervaar. Herinner my aan die voorreg en die krag van gebed. Here, laat my gedagtes, woorde, gesindhede en gedrag U liefde in aksie weerspieël aan 'n donker en gebroke wêreld. In Jesus se naam. Amen.