JakobusVoorbeeld

Lees: Jakobus 5:1-6

SOAP: Jakobus 5:1-3

Jakobus waarsku oor die lot van 'n groep goddelose, onverlosde, ryk mense wat die armes verdruk het deur rykdom te vergaar, salarisse terug te hou en die armes skade aangedoen het. Jakobus veroordeel nie rykdom nie, maar die goddelose en onregmatige gedrag van hierdie ryk mense. Dit is 'n waarksuwing aan beide die gelowiges en goddeloses om versigtig te wees vir materialisme en gierigheid. Dit is ook 'n waarskuwing vir almal dat God se geregtigheid naby is, intens is en dat mens nie daarvan kan ontsnap nie. 

In watter pynlike swaarkry word jy versoek om te twyfel aan God se komende vergelding in jou lyding? God bly standvastig en getrou om diegene wat Hy liefhet en wat Hy Sy eie noem, te beskerm. Hy bly ons beskermer, ons beskutting en ons verdediger. Gelowiges moet vertrou dat God Sy geregtigheid sal laat geskied op Sy manier en op Sy tyd. 

Vader God, U is my regverdige en geregtige Regter. Here, neem my begeerte om myself te wreek weg. Here, help my om verseker te bly dat U altyd doen wat reg en regverdig is. Versterk my om vir my vyande te bid en hulle goed te behandel. Help my om U te vertrou, Here, dat in U tydsberekening, U veroordeling en regverdige straf sekerlik sal kom. In Jesus se naam. Amen.