Gewilde Bybelverse vanaf 1 VAKORINTO 12

Deel

Kutani un'wana ni un'wana u nyikiwa ku vona Moya, leswaku swi pfuna hinkwavo.

Loko mi ri n'wina mi miri wa Kriste; un'wana ni un'wana mi swirho swa yena.

Kutani xirho xin'wana, loko xi twa ku vava, swirho hinkwaswo swi twa ku vava na swona; ni loko xirho xin'wana xi dzunisiwa, swirho hinkwaswo swa tsaka na swona.

Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo; un'wana u nyikiwa ku pfumela hi wona Moya wolowo; un'wana u nyikiwa hi Moya wolowo matimba ya ku hanyisa; un'wana u nyikiwa mitirho ya masingita; un'wana u nyikiwa ku profeta; un'wana ku avanyisa mimoya; un'wana u nyikiwa ku tiva tinxaka ta tindzimi; un'wana u nyikiwa ku hlamusela tindzimi.

Kambe Moya wolowo wu ri wun'we wu tirha leswo hinkwaswo, wu ri karhi wu avela un'wana ni un'wana hi laha wu rhandzaka hakona.

leswaku ku hambana ku nga ti tshuka ku va emirini, kambe swirho swi tsetselelana.

Tinyiko, tona, ti avene, Moya, wona, i wun'we. Mitirho, na yona, yi avene; kambe Hosi, i yin'we ntsena; ni maendlelo ma avene, kambe Xikwembu, i xin'we ntsena lexi tirhaka hinkwaswo eka hinkwavo.

Kutani valavo Xikwembu xi va vekeke eKerekeni, eku sunguleni i vaapostola; va vumbirhi i vaprofeta; va vunharhu i vafundhisi; kutani ku vekiwe va masingita, ni tinyiko leti hanyisaka, ni mitirho ya ku pfuna swisiwana, ni ku fambisa, ni tinxaka ta tindzimi.

Kunene miri a hi xirho xin'we ntsena, kambe i swirho leswo tala.

E-e; kambe swirho swa miri leswi ngi swi tlurisa hi ku tsana ka swona, hi leswi pfumariwaka ngopfu.

Loko ngi miri hinkwawo wu va tihlo, ku yingisa ku nga va kwihi-ke? Loko miri hinkwawo wu le ku yingiseni, ku twa ka tinhompfu ku nga va kwihi-ke? Kutani sweswi Xikwembu xi veke xirho xin'wana ni xin'wana emirini, hilaha xi rhandzeke hakona. Kutani loko ngi swirho hinkwaswo, i xin'we ntsena, miri wu ta va kwihi-ke?