Gewilde Bybelverse vanaf Kubase-Efesu 5

Deel

Njengobe nibantfwana baNkulunkulu, futsi naye anitsandza, yetamani kutsi nibe njengaye. Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

Ngako-ke caphelani kutsi nitiphatsa njani. Ningatiphatsisi kwebantfu labangakahlakaniphi, kepha njengalabahlakaniphile. Nibambisise ematfuba, ngobe emalanga mabi.

Ningadzakwa, ngobe kuvela kuko inkhanuko, kodvwa gcwaliswani ngaMoya. Niphendvulane ngemahubo, nangemaculo, nangetingoma takaMoya; nihlabele nidvumise iNkhosi ngenhlitiyo yenu yonkhe. Nimbonge njalo Nkulunkulu uYise ngako konkhe egameni leNkhosi yetfu Jesu Khristu.

Ngako-ke ningabi tilima, kodvwa yatini loko lokuyintsandvo yeNkhosi.

Madvodza, tsandzani bafati benu, njengobe naKhristu alitsandza libandla. Wanikela ngekuphila kwakhe ngenca yalo

Ngobe kucala nanibumnyama, kepha nyalo senikukhanya eNkhosini. Hambani njengebantfwana bekukhanya.

Nitfobelane ngenca yekwesaba Khristu.

Bafati, tfobelani emadvodza enu kungatsi kuseNkhosini.

Noko-ke, akube ngulowo nalowo atsandze umkakhe, njengobe atitsandza yena, nemfati ahloniphe indvodza yakhe.

UmBhalo utsi: “Ngenca yaloko indvodza iyawushiya uyise nenina inamatsele kumkayo; labo bobabili bayawuba nyamanye.”

Ningahlanganyeli emisebentini yebumnyama, lete titselo, kunaloko niboyeneka ebaleni.