Gewilde Bybelverse vanaf SPREUKE 10

Deel

Die seën van die HERE — dit maak ryk, en moeitevolle arbeid voeg daar niks by nie.

By veelheid van woorde ontbreek die oortreding nie; maar hy wat sy lippe inhou, handel verstandig.

Haat verwek twiste, maar liefde bedek al die oortredinge.

Hy word arm wat met 'n trae hand werk, maar die hand van die vlytiges maak ryk.

'n Pad ten lewe is hy wat die tug in ag neem; maar hy wat die teregwysing veronagsaam, raak verdwaald.

Hy wat in opregtheid wandel, wandel veilig, maar hy wat sy weë krom maak, word bekend.

Die vrees van die HERE vermeerder die dae, maar die jare van die goddelose word verkort.

Die HERE laat die regverdige nie honger ly nie, maar die begeerlikheid van die goddelose stoot Hy weg.

Wanneer 'n stormwind verbygaan, is die goddelose nie meer nie; maar die regverdige is vir ewig gegrondves.