Gewilde Bybelverse vanaf Filiparya 4

Deel

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

O Yezous Kristo dell man i zoor, te djivap yaake te yaake.

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Miro Devel dell ninna t'men lauter, hoy t'men hounte vell djipaske. Les hi i baro bravlepen an o bolepen. Kova dell lo kolen, kay djan ap o Yezous Kristeskro drom.

Oun djivenn yaake, har me t'menge penom oun sikrom, yaake har t'mer kova mandar shounan oun ap mande dikan! Oun o Devel, kay kras i drom, te nay djivah an o lačepen khetne, hi t'mentsa!

Sikrenn hakeneste t'maro lačepen! O ray Yezous vella an i tikno tsiro pale.

Me nay hom čorvelo, oun me nay hom bravelo. Kova lauter prindjrau. Me nay bokau. Oun me nay hom čalo. Me djinau har kova hi, te hi man boudeder har doha djipaske. Oun me djinau, har kova hi, te hi man gar doha djipaske.

Kova penau gar, te sikrap t'men, kay man gar doha his. Na-a. An miro djipen hayvom, te hi mange kova doha, hoy man hi.