Gewilde Bybelverse vanaf Filiparya 3

Deel

Mire phrala, me nay penau gomme gar mandar, te hom me yaake har me kamoms te vap. Yek nay penau: Me bistrau, hoy pal mande hi, oun rodau kova, hoy glan mande hi. Me nashau ap o Yezouseskro drom doureder, te lap ko shoukar koova, hoy dell o Devel kolen, kay gar pre dan. Kova hi o djipen pash leste an o bolepen. Doleske das lo men gole, te djivas o Yezous Kristeha khetne.

Kamoms te prindjrap či vavar har o Yezous Kristes oun o Debleskri zoor, kay kras les i moulendar djido. Oun me lau douka ap mande, yaake har yob douka ap peste las, te vap yaake har yob bis ap o merepen, te krell o Devel man ninna i moulendar djido.

Ava, kova lauter, hoy me ap ko tsiro patsom oun krom, hi mange kanna bouder či moldo. Me prindjrau kanna o Yezous Kristes. Yob hi miro ray. Doleske hi ko tselo vavar koova mange har čik, oun či moldo. O Yezous Kristes kokres kamau te prindjrell boudeder.

Har o Yezous Kristo miro ray vas, vas mange lauter kova či moldo, hoy mange an ko tsiro boud moldo his.