Gewilde Bybelverse vanaf G%E9nesis 6

Deel

are uri i Ajwal xb'a'krij uk'ux chke i winaq chi je u'anom chwach i jyub' ta'aj, xaq lik k'ax xuna uk'ux.

I Ajwal are xril i mak atzalal ke i winaq chi lik k'i chik chwach i jyub' ta'aj, lik xwi kkich'ob' u'anik i utz taj ronojel taq ij

Xwiri ma Noé, x-iltaj tob'al uwach rumal i Ajwal.

Iri are u'anoj ma Noé: I ma Noé le lik utz laj achi, lik arewi xkojon che i Dios, xaq lik o u'ij chkixol i winaq, che taq i ij le xwi ire xb'in pub'e i Dios.

Rumali xub'ij: “Kinchup ni kiwach konojel i winaq chwach i jyub' ta'aj chi je in-anom; xaq keje konojel i chikop je manxo, konojel i kejukmayik, konojel i tz'ikin chi kerupup chikaj, man lik xb'a'krij ink'ux chke chi xein-ano.” Xcha i Dios.

Are xkijeq k'iyarik i winaq chwach i jyub' ta'aj, xaq xealax kak'al chi je altom, i je rak'al i Dios xkilo chi je chomiq taq altom i kak'al i to' winaq le, rumali xe'ok chu'ulik chkixol konojel i altom le, pachin taq kumaj kiwach chke, xaq xek'uli ku'. Xwiri i Ajwal xub'ij: “Kinya ti chik chke i winaq chi naj kek'asi'ik, man saq laj tzij ike xa je b'aq xaq xa ti' kich'akul, rumali xa waqwinaq junab' (120) chik kek'asi'ik.” Xcha. I winaq chi lik naj kij xaq lik o kicho'ab' xewinaqirik. Are xek'uli i rak'al i Dios ku' kimi'al i to' winaq le, are uri xealax kak'al chi xe'eloq lik je utz ti laj taq winaq, xaq lik x-etamax kiwach chi lik o kicho'ab' re i ch'oj, man lik xwi i utz taj kki'ano.

I ma Noé le, xu'an ronojel chrij pacha xtaq che rumal i Dios.

are uri xub'ij che ma Noé: “Yin lik inch'ob'om chik chi kinchup ni kiwach konojel i winaq, man kumal ike nojnaq chik uwach i jyub' ta'aj che i utz taj; rumali lik kinchup ni kiwach junam ru' i jyub' ta'aj.

Are uri i Dios xub'ij che ma Noé: Chatzukuj i che' chi o ol che, cha'ana jun nim laj kanuw, xaq cha'ana k'iyal tasaj che upam, chatz'aqa lap chupam xaq i chrij man keje ile kok ti ya chupam.

Are xril i Dios ile chi lik utz ti chik uwach i jyub' ta'aj, xaq konojel i winaq lik utz ti chik kki'ano

Xaq cheakojo b'i kakab' chke i jalajuj taq chikop chi je o chwach i jyub' ta'aj, chupam i nim laj kanuw le chi pacha ja, jun ma xaq jun atit chrij taq kichikopil, man ketotaj ni awu'.