Gewilde Bybelverse vanaf MARIKO 10

Deel

Tondũ ti-itherũ Mũrũ wa Mũndũ ndokire gũtungatĩrũo, no atungatanĩre, na arute muoyo wake ũtuĩke wa gũkũũra andũ aingĩ.

Nake Jesu akĩmera atĩrĩ, amacũthĩrĩirie, Gũtingĩhoteka nĩ andũ, no ti ũguo Ngai: amu-rĩ, maũndũ mothe mahotekaga nĩ Ngai.

Nake Jesu akĩmwĩra atĩrĩ, Wĩthiĩre: gwĩtĩkia gwaku nĩkuo gwatũma ũhone. Na kahinda o kau agĩcoka kuona, akĩmũrũmĩrĩra o na njĩra.

Nĩ ũndũ ũcio, arĩa Ngai agwatanĩtie, mũndũ ndakanamatigithanie.

Nake Jesu, aamũrora, akĩmwenda, akĩmwĩra atĩrĩ, Nĩkũrĩ ũndũ ũmwe ũtigairie: nĩ rĩrĩ, thiĩ, ũkendie indo ciothe iria wĩ nacio, ũhe arĩa athĩni, na nĩũkagĩa na ũtonga Igũrũ: na ũũke, ũnũmĩrĩre.

Nake Jesu akĩmũcokeria ũhoro, akĩmũũria, Ũkwenda ngwĩke atĩa? Nake mũndũ ũcio mũtumumu akĩmwĩra atĩrĩ, Mũrutani, ngwenda o njoke kuona.

No ti ũguo gatagatĩ-inĩ kanyu; no rĩrĩ, ũrĩa ũngĩenda gũtuĩka mũnene thĩinĩ wanyu, nĩatuĩke o ndungata yanyu

Ngũmwĩra atĩrĩrĩ na ma, Mũndũ o wothe ũtakaamũkĩra ũthamaki wa Ngai ta kaana, ndagatonya guo o na atĩa.

Ĩndĩ aingĩ makĩrĩ a mbere nĩmagatuĩka a thutha; nao a thutha matuĩke a mbere.

No kuuma o kĩambĩrĩria rĩrĩa indo ciothe ciombirũo, gũtũire kwĩragwo ũũ, Aamombire marĩ mũndũ mũrũme na mũndũ mũka. Nĩ ũndũ ũcio mũndũ mũrũme nĩagatigana na ithe na nyina, magwatane na mũtumia wake, nao erĩ matuĩke mwĩrĩ ũmwe: ũguo-rĩ, matingĩcoka gũtuĩka erĩ, no mwĩrĩ ũmwe.