Gewilde Bybelverse vanaf Ọda 6

Deel

Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.

Tangwa sị ịrẹyị ẹnẹẹ zụ ezi ewu, waa ka yị wa ẹ̀ẹ yaayịtẹ, ịnị eehi, ẹnịnị àa zị ụsẹ oze, ẹnịnị ẹ hụ tịtẹ ọnịrị ẹ̀ẹ ha kwẹẹtẹ.

Asị ụ hi ayị avaba ịrẹyị ana a ka yị wụ nịnị ajịnị aanị o.

Batọ ẹwụ nịnị Anisirẹrị, Ẹnẹyịmavara ana vị Ohomorihi vị ọnyara.

Chẹrẹ ẹ tịtẹ sụ́ ọ kara ụvọ, sị mẹ amu kú, agụvị dị oō tama wa ayị.

Chẹrẹ ẹ tụ́ ịnị ọchị oze ịnị eehi ọnịrị oze ọbanyị.

Hi angwa Ẹnẹyịmavara ana vị Ohomorihi awụ, dị wa hẹkẹ ẹ, dị wa sị ịrẹha kẹnẹ hị́ eku.

“Ẹnẹyịmavara vaa sị ụ vẹ ịnị ẹtẹ ọnị ọ hị́ eku anị yị ohiku awụ nịnị Abụrahamị ọnịrị Ayiziiki ne beri Ijekọvụ. Ẹtẹ ọnọọ vaa nyị ẹkụra ẹbanyị-ẹbanyị ọnị we yị sị ụvọta awụ nịnị da. Irehi awụ nịnị vee hi yị ịsa irenyi-irenyi ọnị ikangga ọnị wẹ yị chị. Ụbazị awụ vee hi yị ọchị ịvayịnị ọnịrị orivi ọnị ẹ yị chire. Asị ụ hi ayị Ẹnẹyịmavara ana tụ wụ hụụnị irehi ọrịhị ịnị Ijipiti.

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa. Ẹnịrị ezi anị, ne beri aazị ne chire ẹmaazị ẹ̀ẹ ka enee ku orubo, àa nyị ka e hị́ angwa Ẹnẹyịmavara, dị ẹ rẹ saasa ọda anị pooro.

Mẹ ịsa ana vọrọ dị o zoza eyi Ẹnẹyịmavara waa vavọọ aa mẹ̀ ẹ o vee zee yị wụ, dị ụ dọ ẹtẹ ozoza ọnị Ẹnẹyịmavara hị́ eku anị yị ohiku awụ nịnị.

Wàa vavọọ mẹ Ẹnẹyịmavara ana vị Ohomorihi awụ vaa kụ́ ayị hi wu ẹtẹẹtẹrẹ. Ọ vaa vu wu hụrẹ ịrẹsụ ẹtẹ agụvị ka ọnị ana ya pe wu vị Ohomorihi anaā kụ́ ụhị.

Asị ụ hẹkẹ ori ọnị aza ana kara wụ aa hẹkẹ.

Asị ụ zama Ẹnẹyịmavara re anka ụ mẹ mẹ Umasa.