Gewilde Bybelverse vanaf Asmani kitab: Sulaimani misal 4

Deel

Fahara dia raḳo tumi, tumar afon dil, dil taki-u to bar oi ae, zindegir shob fikir.

Shabdane solbae re fut, tumar solar fot, zate tumar shob fot oy, mozbut nirafod.

Muk taki horai raḳo, beḳa-teṛa buli, ṭuṭ taki-o horao tumar, mator ṭogaṭogi.

Gian to omuillo roton, foyla-u gian ḳamao, tumar hokkol don-doulotdi, aḳol-buddi-o zomao.

Forezgaror fot soḳsoḳa, biankur shuruz zela, duifor forzonto baṛe to, tar foror uzala. Oile naformanor fot, goin andarir gaṛa, usṭa ḳaibo kitar maze, zane na to tara..

Bibi Gianre saṛio na, roikka ḳorba tumare, kial raḳba tumae nichchoy, maya ḳorle tainre.

Shay-shashonre mania solo, dio na saṛia, shashon-u oilo tumar zan, doro mozbut ḳoria..

Naforman ze fotedi zae, ou fote na zaio, bod-ḳobise zebae aṭe, obae na aṭio.

Bafor hikail hedayotre, ḳano lo fut oḳol, kiali o faitae ḳori, bala bibeḳ-aḳol.